अन्तराष्ट्रिय

नयाँ दिल्ली । कोरोना भाइरसको संक्रमण रोक्न लागू गरिएको लकडाउनको समयमा हिमाञ्चल प्रदेशका मजदुरहरुको समस्या सार्वजनिक गरेको भन्दै राज्य सरकारद्वारा ६ जना पत्रकार विरुद्ध जाहेरी दर्ता भएको छ। राज्य सरकारको प्रशासनिक कमजोरी सार्वजनिक गरेको आरोपमा ६ जना विरुद्ध दुई महिनामा १४ एफआईआर दर्ता भएको ‘द वायर’ ले जनाएको छ। हिमाञ्चल प्रदेशको अखबार ‘दिव्य हिमाचल’का ३८ वर्षीय संवाददाता ओम शर्मा विरुद्ध राज्य सरकारले अहिलेसम्म ३ एफआईआर दर्ता गरेको छ। उनीमाथि पहिलो जाहेरी २९ मार्चमा सोलन जिल्लाको बद्दीमा प्रवासी मजदुरले गरेको विरोध प्रर्दशन सामाजिक सञ्जाल फेसवुकमा लाइभ गरेको आरोपमा दर्ता गरिएको थियो। सो फेसवुक लाइभ भाइरल भएपछि यसलाई सनसनी बनाएको र फेक…

भारत- भारतको मध्य प्रदेशको गुनामा बुधबार राति ट्रक र बस ठोकिँदा कम्तिमा ८ जना मजदुरको ज्यान गएको छ। एसियन न्यूज इन्टरनेशनलले रिपोर्ट गरे अनुसार उक्त घटनामा ५० जना मजदुर घाइते भएका छन्। रिपोर्ट अनुसार गए राति गुनाको क्यान्ट पीएस क्षेत्रमा दुर्घटना भएको हो। ट्रकमा मजदुरहरु थिए। उनीहरु महाराष्ट्रदेखि उत्तर प्रदेशमा रहेको आफ्नो घर जाँदै थिए। दुर्घटनामा परेका घाइतेहरुलाई नजिकको जिल्ला अस्पताल लगिएको थियो। उक्त दुर्घटनाको थप विवरण भने खुलेको छैन। यसैगरी उत्तर प्रदेशको मुजफ्फरनगरमा बुधवार राति एक रोडवे बस प्रवासी मजदुरहरु माथि चढेपछि ६ जना मजदुरले आफ्नो ज्यान गुमाएका छन्। घटनामा परि थप चार जना घाइते भएका थिए। उक्त घटनामा…

म्याड्रिड। स्पेनकै सबैभन्दा वृद्ध ठानिएकी एक ११३ वर्षीया वृद्धा कोरोना भाइरसमुक्त भएकी छन् । अवकाश जीवन बिताउने केएर होममा बस्दै आएका अरु धेरै जना वृद्धवृद्धाको मृत्यु भए पनि ११३ वर्षीया वृद्धाले कोरोना भाइरसलाई परास्त गर्न सफल भएकी हुन् । अमेरिकामा जन्मिएकी मारिया ब्रानयासलाई गत अप्रिलमा कोरोना संक्रमण भएको थियो । उनी विगत २० वर्षदेखि स्पेनको पूर्वी शहर ओलोटको सान्टा मारिया डेल टुरा केएर होममा बस्दै आएकी थिइन् । उनमा श्वासप्रश्वासको समस्या देखिएको थियो । केएर होमकी प्रवक्ताले मारिया बाँच्न सफल भएको र अहिले स्वास्थ्य अवस्था निकै राम्रो रहेको बताइन् । उनले भनिन्, ‘मारियाको गत साता स्वास्थ्य परीक्षण गरिएको थियो र…

नयाँदिल्ली । भारतमा बुधबार बिहानसम्ममा कोरोनाभाइरसबाट संक्रमित व्यक्तिको संख्या ७४ हजार २८१ पुगेको छ । भारतीय स्वास्थ्य तथा परिवार कल्याण मन्त्रालयका अनुसार विगत २४ घण्टामा भारतभर तीन हजार ५२५ जना नयाँ संक्रमित भेटिएका छन् । कूल संक्रमितमध्ये २४ हजार ३८५ जना निको भएर घर फर्किएका वा डिस्चार्ज भएका छन् भने ४७ हजार ४८० जनाको उपचार भइरहेको छ । कोविड–१९ बाट विगत २४ घण्टामा १२२ जनाको मृत्यु भएको छ । योसँगै भारतमा कोरोनाभाइरसबाट मृत्यु हुनेको कूल संख्या दुई हजार ४१५ पुगेको छ । मन्त्रालयका अनुसार महाराष्ट्र, गुजरात, तामिलनाडु र नयाँ दिल्ली राज्य सबैभन्दा बढी प्रभावित भएका छन् । पछिल्लो विवरण अनुसार…

एजेन्सी । अमेरिकाका वरिष्ठ संक्रामक रोग विशेषज्ञ डा।एन्थोनी फाउचीले लकडाउन खोल्नेबारे सिनेटरहरुलाई चेतावनी दिएका छन् । उनले देशमा लकडाउन खोल्न हतार गरिएमा संक्रमण तीव्र रुपमा फैलिने उनको चेतावनी छ । उनले लकडाउन खोल्नका लागि यसअघि घोषणा गरिएका विभिन्न योजनाहरुको पालना नगर्ने हो भने लाखौं अमेरिकी संक्रमणको चपेटामा आउनसक्ने बताए । उनले अमेरिकामा कोरोना भाइरसका कारण मृत्यु हुनेको आधिकारिक संख्या ८२ हजार नाघेको जानकारी दिए । डा।फाउचीको राय राष्ट्रपति डोनाल्ड ट्रम्पको भन्दा अलग रहेको छ । राष्ट्रपति ट्रम्प अर्थव्यवस्थालाई पुनः पुरानै गतिमा फर्काउनका लागि तत्काल लकडाउन खोल्ने पक्षमा छन् । जसका लागि उनले यसअघि नै लकडाउन खोल्ने गाइडलाइन सार्वजनिक गरेका थिए…

काठमाडौं । कोरोना अर्थात् कोभिड १९ को असर कम गर्ने उद्धेश्यले भारतले २० लाख करोड रुपैयाँको आर्थिक प्योकज ल्याएको छ । आज देशवासीको नाममा सम्बोधन गर्दै प्रधानमन्त्री नरेन्द्र मोदीले २० लाख करोड रुपैयाँको आर्थिक प्याकेज घोषणा गरेका हुन् । यो प्याकेज ल्याण्ड (भूमि), लेबर (श्रम), लिक्वीडिटी (तरलता) जस्ता समस्या सम्बोधन गर्न ल्याइएको उनले बताए । यो प्याकेज भारतको कुल ग्राहस्र्थ उत्पादन (जीडीपी) को १० प्रतिशत भएको उनले बताएका छन् । प्रधानमन्त्री मोदीले आत्मनिर्भर भारतको संकल्प पूरा गर्न आर्थिक प्याकेज ल्याइएको बताए । आर्थिक प्याकेज भारतको श्रमिक र किसान, मध्यमवर्ग र उद्योगहरुका लागि ल्याइएको मोदीले सम्बोधनका क्रममा बताए । ‘यो आर्थिक…

काठमाडौं । विश्वमा महामारीका रुपमा फैलिएको कोरोना भाइरस (कोभिड १९) को संक्रमणबाट ज्यान गुमाउनेको संख्या २ लाख ८६ हजार ९८६ पुगेको छ । साेही क्रममा संक्रमणकै त्रासकाबीच हङकङमा आइतबारदेखि फेरि सरकारबिरोधी प्रदर्शन सुरू भएको छ । अलजजिराका अनुसार हङकङ शहरमा आइतबार राती सयौं जनाले प्रजातान्तीक मूल्य मान्यता रक्षाको माग गर्दै नाराबाजी गरेको छ। सो क्रममा प्रदर्शनकारी र प्रहरीबीच भएको झडपपछि चीन विरोधी नाराबाजी गर्ने २ सयभन्दा बढी प्रदर्शनकारीलाई प्रहरीले नियन्त्रणमा लिएको छ । प्रदर्शनका क्रममा केही सवारी साधनमा आगजनी समेत गरिएको जनाइएको छ । कोरोना महामारी करिब नियन्त्रणमा आइसकेको हङकङकमा गत हप्तादेखि प्रदर्शनकारीहरु सडकमा देखिन थालेका थिए । कोरोना भाइरसको…

एजेन्सी । कोरोना भाइरसको प्रकोपबाट लाखौँ नागरिकहरु प्रभावित भएपछि अमेरिकी राष्ट्रपति डोनाल्ड ट्रम्पले ह्वाइट हाउसमा शान्ति पाठ गराएका छन्। कोरोना भाइरसबाट संक्रमतिहरुको स्वास्थ्य लाभको कामना गर्दै ह्वाइटहाउसमा हिन्दु पूजारी बोलाएर शान्ति पाठ गरिएको हो। अमेरिकाको राष्ट्रिय प्रार्थना दिवसको अवसरमा राष्ट्रपति ट्रम्पले न्यू जर्सीस्थित बीएपीएस स्वामीनारायण मन्दिरका पूजारी हरीश ब्रह्मभट्टलाई बोलाएर शान्ति पाठ गराएका हुन्। उक्त अवसरमा अन्य धर्मका प्रतिनिधिहरुसमेत सहभागी थिए। ह्वाइट हाउसको रोज गार्डनमा भएको शान्ति पाठ पश्चात ट्रम्पले पुजारी हरीश ब्रह्मभट्टप्रति आभार व्यक्त गरेका थिए। कोरोना भाइरसको विश्वव्यापी महामारीबाट अमेरिका सबैभन्दा बढी प्रभावित देश हो।

एजेन्सी । भारतको चेन्नईमा एक चिकित्सकले कोरोनाभाइरसको उपचारका लागि बनाएको औषधि आफैंमा परीक्षण गर्दा उनको मृत्यु भएको छ । पेरुगुंडीमा बस्ने शिवगनेसनकाे ज्यान गएकाे हाे। शिवगनेसन एक आयुर्वेदिक उत्पादन कम्पनीका फार्मासिस्ट र प्रोडक्सन म्यानेजर हुन् । उक्त कम्पनीको कफ सिरप प्रसिद्ध छ । कोरोनाभाइरस निको पार्न शिवगनेसन र उनका हाकिम राजकुमारले एक औषधि खोज्ने कोशिश गरिरहेका थिए । राजकुमारले उक्त औषधिका केही थोपा पिए भने शिवगनेसनले अलि बढी नै पिए । त्यसपछि दुवैजना बेहोश भए । उनीहरूलाई तत्कालै नजिकैको अस्पताल लगियो । शिवगनेसनको मृत्यु अस्पतालमा भएको थियो भने राजकुमारको स्वास्थ्य गम्भीर भएको बताइएको छ । प्रहरीले घटनाको अनुसन्धान गरिरहेको छ…