Year: 2021

धरान । इलाका प्रहरी कार्यालय धरानले झुटो विवरण पेस गरेर नागरिकता बनाएकाे अभियाेगमा एक जनालाई पक्राउ गरेकाे छ । पक्राउ पर्नेमा स्याङ्जाको वालिङ-३ घर भएकी मञ्जु क्षेत्री रहेकी छिन् । उनले धरान-९ बाट सिफारिस लिएर दुई वर्षअघि नागरिकता बनाएकाे खुलेकाे छ । उनलाई नागरिकताको लागि सिफारिश गर्ने वडाध्यक्ष रत्न कटवालविरुद्ध धरान प्रहरीले अदालतबाट पक्राउ पुर्जी लिएको छ।  वडाध्यक्ष कटवाल भने फरार भएका छन्। इलाका प्रहरी कार्यालय धरानका डिएसपी ज्ञानेन्द्र बस्नेतले अध्यक्ष कटवालविरुद्ध पक्राउ पुर्जी आएको पुष्टि गरे। उनले भने,‘स्याङजाको महिलालाई झुटो विवरण पेस गरेको आधारमा नागरिकता दिलाएकोबारे अनुसन्धान भइरहेको छ, अदालतबाट वडाध्यक्षलाई पक्राउ पुर्जी आएको छ।’ डिएसपी बस्नेतका अनुसार पक्राउ…

काठमाडाैँ । गणतन्त्र माल्टाले माल्टा–नेपाल संसदीय मैत्री समूह स्थापना गरेको छ। नेपाल र माल्टाका सांसदहरुबीच संस्थागत सम्बन्ध स्थापना तथा दुवै मुलुकका सम्मानित संसद्का सदस्यहरुबीच भ्रमण, अनुभव तथा विचारको आदानप्रदान गर्ने उद्देश्यले बुधबार संसदीय मैत्री समूह गठन गरिएको लण्डनस्थित नेपाली दूतावासले जनाएको छ। गठित संसदीय मैत्री समूहमा माल्टाका तर्फबाट गणतन्त्र माल्टाका प्रतिनिधिसभाका सांसदहरु डेभिड एगिएस, क्रिस फिअर्न, एडवर्ड ज्यामीट र रोबर्ट क्याटाजार सदस्य रहेका छन्। संयुक्त अधिराज्य तथा माल्टाका लागि नेपाली राजदूत डा. दुर्गाबहादुर सुवेदी तथा माल्टाका प्रतिनिधिसभाका सभामुख एन्जेलो फारुजियाको पहलमा संसदीय मैत्री समूह गठन गरिएको नेपाली दूतावासका प्रवक्ता रोशन खनालले जानकारी दिए। युरोपेली युनियनको सदस्यसमेत रहेको गणतन्त्र माल्टा र…

काठमाडौं । १५ हजार रुपैयाँ घुस लिने नेपाल प्रहरीका एक इन्सपेक्टरलाई गृह मन्त्रालयले निलम्बन गरेको छ । महानगरीय प्रहरी वृत्त थानकोटका इन्सपेक्टर गायत्रीराज शर्मालाई गृहले बुधबार निलम्बन गरेको हो । गत आइतबार महागरीय प्रहरी परिसर काठमाडौंले उनलाई घुस लिइरहेको अवस्थामा पक्राउ गरेको थियो । सवारी ज्यान मुद्दामा उनले यातायात समितिसँग पैसा लिएका थिए । प्रहरी प्रधान कार्यालयको सिफारिसमा उनलाई निलम्बन गरिएको हो ।

पाँचथर । आफ्नै श्रीमतीको बञ्चरो प्रहार गरी हत्या गरेर फरार रहेका एक व्यक्ति झुण्डिएको अवस्थामा मृत फेला परेका छन् । पाँचथरको हिलिहाङ–५ सुभाङका ३२ वर्षीय धनकुमार उभरकोटी घरबाट करिब तीन किलोमिटर पूर्व जङ्गलमा झुण्डिएको अवस्थामा फेला परेका हुन् । गत पुस ९ गते मध्यरात श्रीमती ३० वर्षीया दुर्गादेवी उभरकोटीको टाउकोमा बञ्चरो प्रहार गरी हत्या गरेपश्चात् फरार रहेका उनी बुधबार गाउँकै जङ्गलमा झुण्डिएर मृत फेला परेको जिल्ला प्रहरी कार्यालय पाँचथरले जनाएको छ । पात्ले (कटुस) को रुखमा प्लास्टिकको डोरीले पासो लगाई झुण्डिएको अवस्था स्थानीयवासीले शव देखेपछि प्रहरीलाई खबर गरेका थिए । शव गन्हाउने भएकाले करिब एक हप्ताअघि नै उनले आत्महत्या गरेको…

काठमाडौं । नेपाली बजारमा आज सुनचाँदीको मूल्यमा गिरावट आएको छ । आज छपावाला सुनको मूल्य तोलामा १३ सयले कमि भइ प्रतितोला ९५ हजार ४ सय कायम भइ कारोवार भइरहेको नेपाल सुनचाँदी व्यवसायी महासंघले जनाएको छ । बुधवार प्रतितोला सुनको मूल्य ९६ हजार ७ सय रहेको थियो । त्यस्तै आज प्रतितोला तेजावी सुनको मूल्य ९४ हजार ९ सय रहेको छ । महासंघका अनुसार आज चाँदीको प्रतितोला मूल्य १० रुपैयाँले कमि आएको छ । बुधवार चाँदीको मूल्य १ हजार ३ सय ४० रहेकोमा आज मूल्यमा कमि आइ प्रतितोला चाँदी १ हजार ३ सय ३० मा कारोबार भइरहेको महासंघले जनाएको छ ।

सुर्खेत । नेपाल कम्यृनिस्ट पार्टी (नेकपा) नेकपाको प्रचण्ड–माधव पक्षले कर्णाली प्रदेश सरकार आफ्नो पकड बढाएको छ । नेकपा राजनीतिक रुपमा दुई ध्रुवमा विभाजित भएसँगै प्रदेश सरकारको स्थायित्वलाई लिएर विभिन्न अड्कलबाजी भइरहेका छन् । कर्णाली प्रदेशसभाका कुल ४० सदस्यमध्ये नेकपाका ३३ जना सांसद छन् । केन्द्रमा आएको फुटसँगै कर्णाली प्रदेशसभामा रहेका नेकपाका ३३ सांसदमध्ये ‘प्रचण्ड-नेपाल’ पक्षमा १९ जना र ओली पक्षमा १४ जना थिए । ओली पक्षका सामाजिक विकास मन्त्री दल रावल, उद्योग, पर्यटन तथा वातावरण मन्त्री नन्दसिंह बुढा र सांसद पदमबहादुर रोकायाले खेमा परिवर्तन गरेपछि अब प्रचण्ड–माधव पक्षमा २२ जना सांसद पुगेका छन् । योसँगै मुख्यमन्त्री महेन्द्र बहादुर शाही नेतृत्वको…

काठमाडौं । प्रतिनिधि सभा विघटनविरुद्ध नेपाल विद्यार्थी संगठन (नेविसंघ) ले विरोध प्रदर्शन गर्ने भएको छ । नेविसंघको केन्द्रीय कमिटीले पुस २४ गते शुक्रवार (भोलि) काठमाडौंको माइतीघरमा प्रदर्शन गर्न लागेको हो । संसद विघटन गर्ने प्रधानमन्त्री केपी शर्मा ओलीको कदम अलोकतान्त्रिक र असंवैधानिक भएको भन्दै भोलि दिउँसो १ बजे माइतरमा उल्डो हिँडी प्रदर्शन गर्न लागेको हो । संसद विघटन गर्ने प्रधानमन्त्री ओलीको कदम संविधान विपरित भएकाले सांकेतीक रुपमा उनको कदमको उल्डो हिँडेर प्रदर्शन गर्न लागेको हो । त्यस्तै नेपाली कांग्रेसले संसद विघटनको विरुद्ध पुस २५ गतेबाट शुरु गर्न लागेको विरोध प्रदर्शनलाई सफल बनाउन समेत आह्वान गरेको छ ।

काठमाडौं । प्रधानमन्त्री केपी ओलीले आफूलाई सत्तामा टिकाइराख्न विभिन्न हत्कण्डा अपनाइरहेका छन् । उनले आफ्नै पार्टीले पाएको झण्डै दुईतिहाइको बहुमतलाई समेत विश्वास गरेनन् । ओलीले संसद विघटन गरेर दुईतिहाइको बहुमत तहस–नहस बनाएका छन् । ओलीले संसद विघटन गरेर वैशाखमा मध्यावधी निर्वाचन गर्ने जनाएका छन् । तर, ओलीले वैशाखमा कुनैपनि हालतमा निर्वाचन नगर्ने उनकै निकटका नेताहरूले बताएका छन् । नेपाली कांग्रेसका सभापति शेरबहादुर देउवालाई विश्वासमा लिएर संसद विघटन गरेर वैशाखमा निर्वाचनको तयारी गरेका ओलीले निर्वाचनका लागि आवश्यक पर्ने कुनै पनि काम गरेका छैनन् । ओली निकटका एकजना केन्द्रीय सदस्यले भने, ‘वैशाखमा निर्वाचन हुँदैन । निर्वाचन भइहाल्यो भने आगामी मंसिर–पुस महिनातिर होला…