‘पटकपटक धोेका दिएको कम्युनिस्ट सरकारको विश्वास गर्न सकिँदैन’

झापा । नेपाली कांग्रेसका सभापति शेरबहादुर देउवाले कम्युनिस्ट सरकारको विश्वास गर्न नसकिने बताएका छन् ।

झापा बुद्धशान्ति ७ का सहिद यामबहादुर आर्चायको सालिक अनावरण कार्यक्रममा बोल्दै देउवाले भने, ‘धोका नहुने किसिमको निर्णय आयो भने कांग्रेस सरकारमा जान्छ। पटकपटक धोेका दिएको कम्युनिस्ट सरकारको आँखा चिम्लेर विश्वास गर्न सकिँदैन।’

नेकपा माओवादी केन्द्रले केपी ओली नेतृत्वको सरकारलाई अझैसम्म समर्थन गरेकाले पत्याउने आधार नभएको उनको भनाइ छ। ‘प्रधानमन्त्री बन्नुपर्छ सबैले भनेका छन्। प्रचण्ड अहिलेसम्म ओलीकै सरकारमा छन्। समर्थन फिर्ता लिएकै छैनन्’, देउवाले भने, ‘समर्थन फिर्ता नभइ कसरी पत्याउनु ?’