अर्थ

काठमाडौं। मुगु जिल्लाको रातापानीमा रहेको श्री महादेव मस्त चतुर्देव क्याम्पसको प्रशासनिक तथा शैक्षिक भवनको औपचारिक उद्घाटन गरिएको छ । आज बुधबार भिडियो कन्फरेन्स मार्फत गाउँ विकास परिषद्, विद्यालय व्यवस्थापन समिति र काठमाडौंस्थित भारतीय राजदूतावासका प्रतिनिधिहरुद्धारा उद्घाटन गरिएको हो । उक्त भवन नेपाल–भारत मैत्री विकास सहकार्य कार्यक्रम अन्तर्गत ने.रु ३५.११ मिलियन लागतमा निर्माण गरिएको हो। सन् २००७ मा स्थापना भएको यस क्याम्पस समुदायको स्वामित्वको शैक्षिक संस्थान हो । विश्वविद्यालय अनुदान आयोग (युजिसी) बाट स्वीकृति प्राप्त सो क्याम्पस त्रिभुवन विश्वविद्यालयसँग आबद्घ रहेको छ । क्याम्पसले चार वर्षे स्नातक तहको पठनपाठन सञ्चालन गरेको छ । हुम्ला र बाजुरा लगायत २४ भन्दा बढी गाविसका…

काठमाडौं। नेपाली बजारमा आज सुनको मूल्य फेरि बढेको छ । आज सुन तोलामा सात सय रुपैयाँ बढ्दै प्रतितोला ९० हजार ९ सय रुपैयाँ पुगेको छ । सुन हिजो प्रतितोला ९० हजार दुई सय रुपैयाँमा कारोबार भएको थियो । त्यस्तै आज चाँदीको मूल्य पनि तोलामा १० रुपैयाँ बढ्दै प्रतितोला ९ सय ५० रुपैयाँ पुगेको छ । चाँदी हिजो प्रतितोला ९ सय ४० रुपैयाँँमा कारोबार भएको नेपाल सुनचाँदी व्यवसायी महासङ्घले जनाएको छ ।

काठमाडौं । ६ महिनासम्म बन्द नेपाल-चीन रसुवागढी नाका सोमबारबाट सञ्चालनमा आएको छ । कोरोना भाइरस संक्रमणका कारण बन्द नाका सञ्चालनमा आएको रसुवागढी भन्सारका प्रमुख पुण्यविक्रम खड्काले जानकारी दिए । दुई देशबीच व्यापार सुरु गर्ने सुरक्षा मापदण्डमा समझदारी जुटेपछि नाका खुल्ने निश्चित भएको थियो । बन्द भएको ६ महिना ८ दिनपछि नाकाबाट एकतर्फी व्यापार सुरु भएको खड्काले बताए । नेपालबाट हुने निकासी र मानवीय ओहोरदोहोर भने कोरोना संक्रमण कम हुँदै गएपछि खोल्ने अनौपचारिक सहमति बनेको छ । सोमबार चीनतर्फ लामो समयदेखि रोकिएको रेडिमेट गार्मेन्टहरू नेपाल भित्रिएको भन्सार कार्यालयले जनाएको छ । चिनियाँतर्फबाट मितेरी पुलमा सामान ल्याइदिएपछि औपचारिक रुपमा नाका सञ्चालनमा आएको…

काठमाडौँ — कोरोना भाइरस रोकथाममा सरकारले कम्तीमा ८ अर्ब ३९ करोड खर्च गरिसक्दा पनि पहिलोपटक औषधि चार्टर गर्ने नेपाल वायुसेवा निगमले तीन महिना बितिसक्दा पनि २ करोड १८ लाख रुपैयाँ कार्गो भाडा पाएको छैन । लकडाउनको ५ औं दिनमा निगमले ०७६ चैत १५ वाइडबडी विमान चीनको ग्वान्जाउ पठाएर स्वास्थ्य तथा जनसंख्या मन्त्रालयको अनुरोधमा स्वास्थ्य विभागका लागि औषधि लगायतका स्वास्थ्य सामग्री ढुवानी गरिदिएको थियो । विभागका लागि यो कार्गो उडानको जिम्मा ओम्‍नी समूहले लिएको थियो । त्यस्तै निगमले स्वास्थ्य मन्त्रालयबाट ग्वान्जाउको चार्टर भाडाबाहेक, काठमाडौं–नेपालगन्ज–काठमाडौं चार वटा चार्टर उडान बापतको भाडा २४ लाख ४८ हजार पनि पाएको छैन। ‘ग्वाङजाउको चार्टर भाडा १…

काठमाडौं । पर्यटन तथा उड्डयन क्षेत्रमा लकडाउन अवधिभर करिब ४१ अर्ब रुपैयाँ बराबरको क्षति हुने अनुमान गरिएको छ। कारोना महामारी न्यूनीकरणका लागि सरकारले गत चैत ११ गतेबाट लकडाउन लागु गरेको थियो भने सरकारको पछिल्लो निर्णय अनुसार आगामी साउन ७ गतेसम्मलाई यो अवधि कायम गरिएको छ। पर्यटन तथा हवाई क्षेत्रमा प्रतिमहिना सरदर १० अर्बको कारोबार मूल्यको प्रत्यक्ष क्षति भएको अनुमान गरिएको छ। यस तथ्यांकलाई आधार मानेर नै लकडाउन अवधिभर ४१ अर्ब बराबरको क्षति हुने अनुमान पर्यटन संस्कृति, पर्यटन तथा नागरिक उड्डयन मन्त्रालयले शुक्रबार पत्रकार सम्मेलनमार्फत सार्वजनिक गरेको तथ्यांकमा उल्लेख छ। पर्यटन तथा हवाई क्षेत्रको नोक्सानी अध्ययन गर्न नेपाल पर्यटन बोर्ड तथा…

काठमाडौं- सुनको मूल्य तोलामा ५ सय रुपैयाँले घटेको छ। बिहीबार नेपाली बजारमा छापावाल सुन ९१ हजार रुपैयाँ प्रतितोलामा कारोबार भएको थियो। शुक्रबारका लागि भने तोलामा ५ सय रुपैयाँले घटेर ९० हजार ५ सय रुपैयाँ मूल्य कायम भएको नेपाल सुनचाँदी व्यवसायी महासंघले जनाएको छ। त्यस्तै बिहीबार प्रतितोला ९० हजार ५ सय ६५ रुपैयाँमा कारोबार भएको तेजावी सुन शुक्रबार ९० हजार ६५ रुपैयाँ कायम भएको छ। त्यसैगरी चाँदीको मूल्यसमेत प्रतितोला १० रुपैयाँ घटेको छ। बिहीबार ९ सय ५० रुपैयाँमा कारोबार भएको चाँदीको मूल्य शुक्रबारका लागि प्रतितोला ९ सय ४० रुपैयाँ कायम भएको छ।

काठमाडौं । नेपाल स्टक एक्सचेञ्ज (नेप्से) मा पाँच कम्पनीको शेयर सूचीकृत भएको छ । देव विकास बैंकले वेष्टर्न डेभलपमेण्ट बैंकलाई प्राप्ती गरेपश्चातको ५० लाख ४० हजार ६८१ दशमलव ६० कित्ता शेयर सहित सिर्जना फाइनान्स , आरएसडीसी लघुवित्त, सिन्धु विकास बैंक र सानिमामाई हाइड्रोपावरको बोनस शेयर नेप्सेमा सूचीकृत भएको हो । सिर्जना फाइनान्सले १५ प्रतिशत बोनस वापतको ११ लाख ५ हजार ८७६ दशमलव ८० कित्ता, आरएसडिसी लघुवित्तको ६ प्रतिशत बोनस शेयर वापतको ३ लाख ८० हजार १०७ दशमलव २० कित्ता , सिन्धु विकास बैंको ११ दशमलव ५१ प्रतिशत बोनस शेयर वापतको ५ लाख ७४ हजार २८७ दशमलव ५ कित्ता र १०…

काठमाडौं । प्रधानमन्त्रीका लागि जडान गर्न लागिएको एलटिई र्‍यापिड कम्युनिकेसन सिस्टम खरिदसँगै सो प्रविधि जडान गर्न सुविधा सम्पन्न ‘बुलेट प्रुफ’ गाडी खरिद गर्न नेपाल प्रहरीलाई दबाब दिइएको छ । प्रधानमन्त्री कार्यालयले सो कम्युनिकेसन सिस्टम जडानका लागि सुविधा सम्पन्न गाडी खरिद गर्न दबाब दिएको उच्च स्रोतले बताएको छ । प्रधानमन्त्रीको सल्लाहकार समूहको तीव्र दबाबमा सो गाडी खरिदका लागि प्रहरीले गृह मन्त्रालयको स्वीकृतिका लागि टिप्पणी उठाउने तयारी गरेको मुख्यालय स्रोतले जनाएको छ । सो गाडी प्रधानमन्त्रीको सुरक्षाका लागि भन्दै खरिद गर्न लगिएको हो । एफ वान सफ्ट, ई-सेवाका मालिक रहेका प्रधानमन्त्री ओलीका आइटी विज्ञ अस्गर अलीले तयार गरेको सो वोलपत्रमा एलटिई र्‍यापिड…

काठमाडौं । नेपाल आयल निगमले पेट्रोलियम पदार्थको मूल्य बढाएको छ । पेट्रोल, डिजेल र मटितेलको मूल्य बढेको हो । मंगलबार निगमले गरेको निर्णय अनुसार पेट्रोलमा प्रतिलिटर ५ रुपैयाँ र डिजेल तथा मटितेलमा प्रतिलिटर २ रुपैयाँ मूल्य बढाएको छ। अब काठमाडौंमा पेट्रोलको मूल्य लिटरको १०१ रुपैयाँ र डिजेलको ८७ रुपैयाँ पुगेको छ । भारतीय आयल कर्पोरेसनले पेट्रोलमा प्रतिलिटर ४.७७ रुपैयाँ, डिजेलमा प्रतिलिटर ५.८० रुपैयाँ, हवाई इन्धनमा प्रतिलिटर ६.०६ रुपैयाँ मूल्य बढाएर सूची पठाएपछि मूलय बढाइएको निगमले जनाएको छ । एलपी ग्यास र हवाई इन्धनको मूल्य यथावत राखिएको निगमले जानकारी दिएको छ