‘जाकिर नाइक घृणायुक्त बोलीका साथ अपराध उक्साउँदैछ’

एजेन्सी । कट्टरपन्थी इस्लामिक प्रचारक जाकिर नाइकका लागि समस्याहरू बढ्दै गइरहेका छन्। इस्लामी प्रचारकको स्वामित्वमा रहेको पीस टिभी र पीस टिभी उर्दू- टेलिभिजन च्यानलहरूलाई बेलायतको मिडिया वाच वाच डग कमले ३ लाख पाउन्ड  जरिवाना गरेको छ।

घृणायुक्त इस्लामी प्रचारक जाकिर नाइकको स्वामित्वमा रहेको टेलिभिजन च्यानलहरू हाल भारतबाट फरार छन्, घृणायुक्त भाषण प्रसार गर्ने र हत्या, हिंसा र इस्लामी आतंकवादलाई समेत उक्साउने सामग्रीको लागि उक्त टिभी च्यानलहरू बदनाम छ।

पीस टिभीको होल्डिङ कम्पनी लर्ड कम्युनिकेसनलाई १ लाख पाउण्ड जरिवाना गरिएको छ भने पीस टिभी उर्दूको होल्डिङ कम्पनी क्लब टिभीलाई २ लाख पाउण्ड जरिवाना गरिएको छ। बेलायती वाच डगको एक विज्ञप्तिमा भनिएको छ, “आज हाम्रो प्रसारण नियम तोड्दा पिस टिभी उर्दूका पुराना इजाजत पत्र धारकहरूलाई २ लाख पाउन्ड र पीस टिभीलाई १ लाख पाउन्ड जरिवाना गरेको छ।” यसले जाकिर नाइक र उनका अनुयायीहरूलाई कडा झट्का लागेकाे छ।

वाचडगले थप भन्यो, “हाम्रो अनुसन्धानले पत्ता लगायो कि पीस टिभी उर्दू र पीस टिभीमा प्रसारण गरिएको कार्यक्रमहरूमा घृणायुक्त बोली र अत्यधिक आपत्तिजनक सामग्री रहेको छ, जसमा एउटा घटनाले अपराध उक्साउने सम्भावना थियो।”

घृणास्पद इस्लामी प्रचारक, जाकिर नाइकले २०१६ मा मुस्लिम बहुल देश मलेशियामा शरण लिएका थिए, उनी भारतबाट भागेर गएका थिए। त्यसबेलादेखि उनी त्यहाँ बसोबास गरिरहेका थिए तर भारतले उनको प्रत्यर्पणको लागि क्वालालम्पुरमा दबाब बढाएको छ।

यस हप्ताको सुरुमा मोदी सरकारले जाकिर नाईकको मलेसियामा प्रत्यर्पण गर्न औपचारिक अनुरोध पठाएको थियो र यस विषयमा सक्रियतापूर्वक अनुसन्धान भइरहेको बताइएको छ, स्रोतले एएनआईलाई बतायो। नाइकले आम मुस्लिम र विशेष गरी भारत र हिन्दुहरु विरुद्धको घृणा अभियानलाई निरन्तरता दिएका छन्।

यसै महिनामा जाकिर नाईकलाइ याे भनिरहेकाे सुनिएकाे छ, कि सबै तेल निर्यात गर्ने इस्लामिक राष्ट्रहरूले एक प्रकारको भारतविरोधी समूह गठन गर्नुपर्दछ र त्यसपछि भारतलाई पनि निर्यात गर्ने क्रम रोक्न सकिन्छ। “भारत जाने प्रायः तेल मुस्लिम देशहरूबाट आउँछ। कच्चा तेल साउदी अरेबिया, युएई र नाइजेरियाबाट जान्छ। प्राकृतिक ग्यास कतारबाट आउँदछ। पाम तेल मलेशिया र इन्डोनेशियाबाट आउँछ। उनीहरूले एउटा ब्लक बनाएर सामूहिक रूपमा काम गरोस् ताकि यदि तिनीहरूले इस्लाम वा मुसलमानको बिरुद्द केही बोले भने हामी सामुहिक रूपमा जवाफ दिन सक्छौं, ”जाकिर नाइकले आफ्नो युट्यूब च्यानलमा भने।

गत महिना, जाकिर नाइकले सबै इस्लामिक राष्ट्रहरूलाई भारतीयहरूको डाटाबेसमा काम गर्न सुझाव दिए । त्यसपछि उनले भने कि भारतीयहरूले यी इस्लामिक देशहरूमा यात्रा गर्दा त्यस्ता तथ्यांक प्रयोग गर्नुपर्नेछ र तिनीहरूलाई त्यहाँ तुरुन्त पक्राउ गर्नुपर्छ।

नाइक एशियामा इस्लामी कट्टरपन्थीकरणको लागि जिम्मेवार छन – धेरै जसो कट्टरपन्थीकरण ईण्डोनेशियालगायत दक्षिण-पूर्वी एशियामा भइरहेको छ र उनलाई श्रीलंकामा इस्टर बम बिष्फोटनको मास्टर माइन्ड पनि जाकिर नाईकको भाषणबाट प्रेरित गरिएको थियो। नाइकले अब भारतीय र गैर मुस्लिमको बिरूद्धकाे कदम बढाएका छन्। उनी खुल्लमखुल्ला मुस्लिम बहुल मुलुकहरू, विशेषगरी तेल निर्यात गर्ने देशहरूलाई भारतीयहरूलाई सताउन उत्तेजित गरिरहेका छन।