Year: 2021

जाजरकोट : बारेकोट गाउँपालिक-७ की ईश्वरी शाही (सिंह) छोरीसहित डोल्पा जगदुल्ला खोलामा खसेकी छन् । तिहारमा टीका लगाउन माइतीघर हिँडेकी सिंह डोल्पाको मुड्केचुला गाउँपालपालिका-२ अन्तर्गत त्रिवेणीमा पर्ने जगदुल्ला खोलामा तीन वर्षीया छोरी लक्ष्मी सिंहसहित खसकी हुन् । खसेको केही समयभित्रै खोलाले बगाएर आमा बेपत्ता हुनुका साथै छोरीको स्थानीयले उद्धार गरेर उपचारका लागि नेपालगन्ज पठाइएको जिप्रका डोल्पाका प्रहरी नायव उपरीक्षक राजु पान्डेले जानकारी दिए । मुख, टाउको र शरीरमा गहिरो चोट लागेकाले छोरीको अवस्था गम्भीर रहेको उनले बताए । छिमेकी जिल्ला रुकुम (पश्चिम), जाजरकोटलाई खबर गरी बेपत्ताको खोजिकार्य भइरहेको प्रहरीले जनाएको छ ।

काठमाडौं । कार्तिक शुक्ल प्रतिपदा एवं यमपञ्चक अर्थात् तिहारको चौँथो दिन आज गाई, गोरु र कृषकको पूजा आजा गरी मीठो खानेकुरा खान दिएर मनाइँदैछ । गाईलाई पवित्र मानी पूजा गर्ने वैदिक सनातन कालदेखिको विधि हो । गाईले दिने दूध आमाले खुवाएको दूध जत्तिकै पौष्टिक हुने भएकाले गाईलाई गौमाता भनी सम्मान गरिन्छ । स्थानीय जातका गाईमा हुने जुरोले सूर्य र चन्द्रमाबाट ऊर्जा लिई दूध, गहुँत र गोबरका माध्यमबाट मानिसमा शक्ति दिने भएकाले गाईको महत्व छ भनी आधुनिक विज्ञानले पनि प्रमाणित गरेको छ । गाईको पूजा गरी आजका दिन मीठा मीठा परिकार खान दिएमा गाईबाट पाइने शुद्धता सधैँ प्राप्त हुने धार्मिक विश्वास…

काठमाडौं । वि.सं. २०७८ साल कार्तिक १९ गते शुक्रबारको राशिफल हेर्नुहोस्ः मेष कामको चापले धपेडी हुनसक्छ । निर्णय कार्यान्वयन हुन सक्दैनन् । मन भावुक र उत्ताउलो बन्नेछ, तर धर्म र आस्थामा मन जानेछ समय छ । वृष लाभ, हानी, सुख, दुख बराबरी खालको समय छ । सानातिना बाधा आइलागे पनि समस्या समाधान हुनेछ । रोकिएका कामले पनि गति लिनेछ । मिथुन जिद्दीपनाले गर्दा काम बिग्रने डर छ । महत्त्वपूर्ण कार्यमा व्यवधान आइपर्ला । सौन्दर्यतामा धन खर्च हुनेछ । मिलनसार साथीले नै धोका दिन सक्छन् । कर्कट आज शुभकार्यको चर्चा चल्नेछ । आदर्श ब्यक्तिको सहकार्यले नयाँ अनुभव मिल्नेछ । आँटेको र…

काठमाडौं : ५ वर्षसम्म पर्दापछाडि रहेर आफ्नो संगठनलाई शक्तिशाली बनाइरहेका तालिबान सर्वोच्च नेता हिबतुल्ला अखुंदजादा सार्वजनिक भएका छन् । अखुंदजादाले तालिबानका संस्थापक प्रमुख मुल्ला उमरको अमेरिकी ड्रोन आक्रमणमा मृत्यु भएपछि २०१६ मा संगठनको सर्वोच्च पद सम्हालेका थिए । तालिबान अधिकारीहरुले आइतबार अखुंदजादाले अफगानिस्तानको कान्दाहार सहरमा आम जनतालाई सम्बोधन गरेको बताएका छन् । तालिबानले अगष्ट १५ मा अफगानिस्तानमा पूर्ण रुपमा नियन्त्रण गरेपछि पनि अखुंखजादा सार्वजनिक भएका थिएनन् । अफगानिस्तानमा तालिबान नियन्त्रण स्थापित भएको अढाइ महिनापछि मात्रै अखुंदजादा सार्वजनिक रुपमा देखिएका छन् । २०१६ मा तालिबानको सर्वोच्च नेता भएपछि नै भूमिगत रहेका अखुंदजादा अहिले यसरी सार्वजनिक हुनुलाई अर्थपूर्ण रुपमा लिइएको छ ।…

काठमाडौं : नेपाली मूलका भारतीय अभिनेता डेनी डेङजोपाका छोरा रिनजिङ डेङजोपा बलिउडमा डेब्यु गर्ने भएका छन् । उनको डेब्यु फिल्म ‘स्क्वाड’ ओटिटी प्लेटफर्म जी फाइभमा कात्तिक २६ गते रिलिज हुने भएको छ। फिल्ममा रिनजिङलाई एक्सन अवतारमा दर्शकले देख्न पाउने छन् । बलिउड फिल्मसँगै नेपाली फिल्ममा समेत अभिनय गरेका डेनी छोराको डेब्युबाट उत्साहित छन् । उनले भारतीय मिडियालाई संक्षिप्त प्रतिक्रिया दिँदै छोरा अभिनयमा आएकोमा खुसी व्यक्त गरे । ‘मेरो इच्छा थियो, छोरा अभिनयमा ओस भन्ने । उनी आफैँमा लगाव बढेर अभिनयमा आएको हुन् । उनलाई शुभकामना छ’, डेनीले भने । राष्ट्रभक्तिको विषय समेटिएको फिल्ममा रिनजिङ र मालविका राज, पूजा बत्रालगायतको अभिनय…

काठमाडौं। अफगानिस्तानको राजधानी काबुलमा रहेको सैनिक अस्पतालमा मंगलबार भएको विष्फोटमा तालिबानका एक शीर्ष कमाण्डर पनि मारिएका छन् । तालिबानका अधिकारीहरुले आफ्ना शीर्ष कमाण्डर मारिएको पुष्टि गरेका हुन् । मारिएका तालिबान सरकारको काबुल मिलिट्री कर्प्सका प्रमुख हमदुल्लाह मुखलिस हक्कानी नेटवर्कका सदस्य थिए । हमदुल्लाह तालिबानले अफगानिस्तान नियन्त्रणमा लिएपछि मारिने सबैभन्दा उच्च पदका अधिकारी हुन् । तालिबानी अधिकारीहरुलाई उद्धृत गर्दै रोयटर्सले जनाएअनुसार सरदार दाउद खान अस्पतालमा आक्रमण भएको सूचना पाएपछि हमदुल्ला मुखलिस तत्काल घटनास्थल पुगेका थिए । अस्पतालमा विद्रोहीसँगको लडाइँमा उनी मारिएका हुन् । अस्पतालमा मंगलबार भएको ष्यिफोटमा कूल १९ जना मारिएका छन् । तालिबानको विपक्षी गुट इस्लामिक स्टेट खुरासानले यसको जिम्मेवारी…

काठमाडौं। अमेरिकी पाइलटहरुले आकाशबाट आएको एक चम्किलो वस्तुलाई आफ्नो क्यामेरामा कैद गरेको दावी गरेका छन् । पाइलटहरुले जतिबेला यो घटना क्यामेरामा रेकर्ड गरे त्यतिबेला उनीहरुको विमान आकाशमा उडिरहेको थियो । यो चम्किलो वस्तु एलियनहरुको उडन तश्तरी भएको दावी गरिएको छ । आश्चर्यजनक रुपमा यो चम्किलो वस्तु उक्त विमानको साथ–साथ ३० मिनेटसम्म उडिरह्यो । डेलीमेलको एक रिपोर्टअनुसार भिडियोमा मेक्सिकोमाथि उडिरहेको फेडेक्सका पाइलटहरुले आफ्नो क्यामेरामा एक चम्किलो वस्तुलाई कैद गरेका छन् । विशेषज्ञहरुले यो युएफओ हुन सक्ने बताएका छन् । केही विशेषज्ञहरुले यसलाई एलियनको उडनतश्तरी भएको बताएका छन् । १९ आर्च २०२० मा यी पाइलटहरुले मेक्सिकोको मन्टेरीनजिकै कार्गो विमान उडाइरहेका बेला यो…

जलालाबाद (बीबीसी) : हर केही दिनमा अफगानिस्तानको पूर्वमा बसेको जलालाबाद सहरको बाहिरी क्षेत्रमा सडकका किनारामा लाशहरु देखिइरहेका छन् । कसैलाई गोली मारिएको थियो भने कसैलाई फाँसीमा झुण्ड्याइएको छ । कैयौं मानिसहरुको टाउको काटिएको छ । यीमध्ये कैयौं शवको साथमा हातले लेखिएका नोटहरु राखिएका छन् जसमा लेखिएको छ कि यिनीहरुको सम्बन्ध इस्लामिक स्टेट (आइएस)को अफगानिस्तान शाखासँग थियो । यी ती गैर न्यायिक र बर्बर हत्याहरु हुन् जसको अहिलेसम्म कसैले जिम्मेवारी लिएको छेन । तर, मानिएको छ कि यी हत्याहरुको लागि तालिबान जिम्मेवार छ । आइएस तालिबानको कट्टर विरोधी मानिन्छ । यही वर्ष अगष्ट महिनामा आइएसले राजधानी काबुलमा रहेको एयरपोर्ट बाहिर आत्मघाती…

काठमाडौं : टि–२० विश्वकपमा भारतले लगातार २ खेल हारेको छ । आइतबार न्यूजिल्याण्डसँग हारेपछि भारतीय टिम फ्यानहरुको निशानामा परेको छ । फ्यानहरुले आफ्नो तर्फबाट गजबका तर्क दिइरहेका छन् । यस्तै एउटा तर्क केही युवतीहरुको तस्वीर भाइरल गराएर दिइएको छ । सामाजिक संजालमा यस्ता पोस्टहरु भाइरल भइरहेका छन् जसमा न्यूजिल्याण्डको समर्थनमा उभिएका केही युवतीहरुको तस्वीर शेयर गरिएका छन् । तर, यसको वास्तविकता भने अर्कै छ । खासमा न्यूजिल्याण्डसँग भारत हारेपछि सामाजिक संजालमा जुन तस्वीर भाइरल भइरहेको छ त्यसमा मोडलहरु केन्डल जेनर र जीजी हदीद कालो जर्सीमा देखिएका छन् । यो कालो जर्सी न्यूजिल्याण्डको जर्सीसँग मिल्दोजुल्दो देखिन्छ । कैयौं फेसबुक पेज र…

काठमाडौं। इटलीको नयाँ राष्ट्रिय एयरलाइन्स कम्पनीका कैयौं एयरहोस्टेसले बीच सडकमा उभिएर आफ्नो कपडा खोलेर कम्पनीको विरुद्ध विरोध प्रदर्शन गरेका छन् । इटलीको नयाँ एयरलाइन्स कम्पनी आइटिए एयरवेजमा भएको पारिश्रमिक कटौतीको विरोधमा यी एयरहोस्टेस सडकमा उत्रिएका थिए । उनीहरुले आफूहरुको मेहनतले कम्पनी सफलताको उचाइमा पुगेको भए पनि आफूहरुसँग अन्याय गरिएको आरोप लगाएका छन् । आइटिए एयरवेजका एयरहोस्टेसहरुले केहीलाई जागिरबाट निकालिएको र विशेषगरी सबैको पारिश्रमिक कटौती गरिएको विरोध कपडा खोलेर गरेका हुन् । लगभग ५० महिला एयरहोस्टेसहरु आफ्नो युनिफर्ममा सडकमा आए त्यसपछि उनीहरुले कपडा खोलेर आफ्नो भित्री वस्त्रमा उभिएर कम्पनीविरुद्ध विरोध प्रदर्शन गर्न थाले । ट्रेड युनियनले पनि जो कर्मचारी कम्पनीमै रहेका…