सांसद यादव अपहरण प्रकरणको अनुसन्धान कहाँ पुग्यो ?

काठमाडौं । प्रहरीले सांसद डा. सुरेन्द्र यादव अपहरण घटनाको अनुसन्धान पूरा गरेको छ । पूर्वआईजीपी सर्वेन्द्र खनाल, सांसद महेश बस्नेत र कृष्णकुमार श्रेष्ठ ‘किसान’ संलग्न अपहरण मुद्दाको अनुसन्धान पूरा भएको काठमाडौं प्रहरीले जानकारी गराएको हाे । 

प्रहरीका अनुसार अपहरण गरिएको भनिएको सो घटनाको अनुसन्धान सकेर जिल्ला सरकारी वकिलको कार्यालयमा कागजात पेस गरिएको छ । 

प्रहरीले घटनावारे जाहेरी लिन नमानेपछि यादवले सरकारी वकिलकाे कार्यालयमार्फत जाहेरी दर्ता गराएका थिए । 

अपहरण अभियोग लागेका ३ जनाले गत १० वैशाखमा यादवलाई महोत्तरीबाट काठमाडौं ल्याएर एक होटलमा राखेको यादवको दाबी छ । 

अपहरण अभियोगमा अनुसन्धान सकेको बताएको प्रहरीले अपहरण हो होइन भन्ने विषयमा खुलाएको छैन । अब सरकारी वकिलकाे कार्यालयले मुद्दा चलाउने नचलाउने निर्णय गर्नेछ ।