अन्तराष्ट्रिय

काठमाडौँ । अमेरिकाले भानुआतुमा राजदूतावास स्थापना गरेको छ । प्रशान्त महासागरीय क्षेत्रमा चीनको बढ्दो प्रभावबीच अमेरिकाले उक्त टापु राष्ट्रमा राजदूतावासको स्थापना गरेको हो । अमेरिकी विदेश मन्त्रालयले त्यस क्षेत्रमा कूटनीतिक उपस्थिती विस्तार गर्न एवम् प्रशान्त क्षेत्रका अन्य मुलुकहरुसँग थप सहकार्य गर्नका लागि राजदूतावास स्थापना गरेको जनाएको छ । अन्तर्राष्ट्रिय समाचार संस्था रोयटर्सका अनुसार अमेरिकाले यसअघि सो क्षेत्रमा रहेका सोलोमन आइल्याण्ड र टोङ्गामा राजदूतावास स्थापना गरेको थियो । त्यसबाहेक प्रशान्त क्षेत्रमा रहेको अर्को मुलुक किरिबासमा पनि राजदूतावास स्थापना गर्ने योजना रहेको विदेश मन्त्रालयले जनाएको छ । किरिबासमा राजदूतावास स्थापनाका लागि संसदीय स्वीकृतिको पर्खाइमा रहेको विदेश मन्त्रालयले उल्लेख गरेको छ । गत…

चिनियाँ ठगी गिरोह र नेपाली दलालहरूको फन्दामा परी कैयौं नेपाली महिला तथा युवतीहरू चीनका विभिन्न ठाउँमा बेचबिखन हुने गरेका छन् । नेपाली मानव तस्करी गिरोहद्वारा चिनियाँ पुरूषसँग विवाहको प्रलोभनमा पारेर यस्तो बेचबिखन हुने गरेको हो । विवाहपछि चिनियाँ पुरूषबाट मानसिक, शारीरिक यातना र यौन शोषणको सिकारसमेत भएको ती युवतीहरूको पीडादायी विवरण बाहिरिएको छ । यसले नेपाली महिला र युवतीहरूको पीडाका साथै उनीहरूलाई चीनमा कसरी यौन शोषण गर्न बाध्य पारिएको छ भन्ने कुरालाई उजागर गरेको छ । सम्झना : निम्न मध्यम वर्गीय परिवारबाट आएकी सम्झनाले उच्च शिक्षा सकेपछि ठमेलको एउटा क्याफेमा काम गर्न थालिन् । काम गर्दागर्दै एक चिनजानको मन्छेले उनलाई…

काठमाडौं । भारतले नेपाललाई ७ सय करोड भारतीय रुपैयाँ अनुदान दिने भएको छ । भारतीय अर्थमन्त्री निर्मला सीतारमणले आर्थिक वर्ष २०२४/०२५को बजेट संसद्‍मा प्रस्तुत गर्दै सो कुरा बताएकी हुन् । वार्षिक बजेटमा नेपाललाई गत वर्षभन्दा ५० करोड भारतीय रुपैयाँ बढी अनुदान दिने उल्लेख गरिएको छ । चालु आर्थिक वर्षमा भारतले नेपाललाई भारतले ६ सय ५० करोड रुपैयाँ उपलब्ध गराउने संशोधित अनुमान छ। छिमेकी मुलुकमध्ये भारतले सबैभन्दा बढी भुटानलाई अनुदान दिने बजेटमा उल्लेख छ । भुटानलाई भारतले २ हजार ६८ करोड भारतीय रुपैयाँ अनुदान उपलब्ध गराउने जनाएको छ । त्यस्तै भारतको आगामी बजेटमा मालदिभ्सलाई ४ सय करोड, म्यानमारलाई २ सय ५०…

काठमाडौं । विश्वका २ ठूला अर्थतन्त्रहरुबीच कूटनीतिक तनाव बढ्दै गएपछि चिनियाँ लगानीकर्ताहरुले मे महिनामा रेकर्ड मात्रामा अमेरिकी स्टक र बन्डहरु बिक्री गरेका छन् । चिनियाँ कोषहरुले अमेरिकी ट्रेजरी र एजेन्सी, कर्पोरेट र अन्य बन्डहरु साथै इक्विटीहरु समावेश गरी मे महिनामा ४२.६ अर्ब डलर बराबरको दीर्घकालीन धितोहरु बिक्री गरेको अमेरिकी ट्रेजरी विभागको तथ्यांकलाई उद्धउतृत गर्दै ब्लुमबर्गले लेखेको छ । सन् २०२४ को पहिलो ५ महिना अर्थात मे महिनासम्ममा चिनियाँ लगानीकर्ताहरुले कुल ७९.७ अर्ब डलर बराबरको धितोपत्रहरु बिक्री गरेका छन् । जुन यो अवधिमा बिक्री भएको हालसम्मकै उच्च हो । अमेरिकी राष्ट्रपति चुनावको अनिश्चितताका कारण चिनियाँ लगानीकर्ताहरुले जोखिम न्यूनीकरणका लागि अमेरिकी धितोहरु…

एजेन्सी । चिनियाँ कम्युनिष्ट पार्टीले केन्द्रीय सदस्यबाट पूर्व विदेश र रक्षामन्त्रीलाई बर्खास्त गरेको छ । पूर्व विदेशमन्त्री किन् झाङ र रक्षामन्त्री लि साङ्फुलाई बिहीबार बसेको पार्टीको केन्द्रीय बैठकले बर्खास्त गर्ने निर्णय गरेको हो । दुवै जना अघिल्लो वर्ष सरकारबाट बाहिरिएका थिए । पार्टीले पीएलए रकेट बलका पूर्व कमान्डर लि यूचाउलाई पनि हटाएको छ । उनीहरूले पार्टीको अनुशासन र कानुनको पालना नगरेको बताइएको छ । उनीहरू भ्रष्टाचारमा संलग्न भएको पार्टीले आशंका गरे पनि हालसम्म आधिकारिक निकायबाट पुष्टि भइसकेको छैन । चिनियाँ राष्ट्रपति सी चिन फिङ सन् २०१२ मा पार्टीको नेतृत्वमा पुगेसँगै भ्रष्टाचारविरुद्ध कडाइ गरेका छन् । यो वर्ष मात्रै उच्च तहका…

वासिङ्टन डीसी । स्वघोषित निर्वासनमा अमेरिकामा रहेका चिनियाँ व्यवसायी क्वो वेङक्वेईमाथि कयौँ अभियोग चलाइएको छ । अनलाइनमा आफ्नो फलोअरहरूलाई एक अर्ब डलरभन्दा बढी ठगेको भन्दै अमेरिकाको एक अदालतमा उनीमाथि ती अभियोग चलाइएको थियो । १२ मध्ये ९ ओटा अभियोगमा क्वो दोषी भेटिएका छन् । यसमा ठगी, सम्पत्ति शुद्धीकरण जस्ता अभियोग छन् । नोभेम्बर १९ मा क्वोलाई सजाय सुनाइँदैछ । उनले दशकौँसम्मको जेल सजाय पाउनसक्ने अनुमान गरिएको छ । सन् २०२३ मा पक्राउ परेयता नै क्वो जेलमा थिए । उनी चिनियाँ कम्युनिस्ट पार्टीका कटु आलोचक हुन् । उनी पूर्व अमेरिकी राष्ट्रपति डोनाल्ड ट्रम्पका प्रमुख रणनीतिकार स्टेफन ब्याननका एक सहयोगी पनि थिए…

बेइजिङ । चीनमा पछिल्लो समय अति वास्तविक देखिने सिलिकन फेस मास्क लगाएर शृङ्खलाबद्ध चोरीका घटना बढेपछि यस्ता प्रडक्टलाई वैध बनाइनु हुन्छ कि हुँदैन भनेर बहस चर्किएको छ । यही मार्चमा साङ्हाईमा चार वटा घर फोडेर चोरी भयो । यी घटनाको छानबिन गर्ने क्रममा ४० वर्षका एक पुरुषले वृद्धको सिलिकन मास्क लगाएर ती चोरीहरू गरेको प्रहरीले थाहा पायो । गएको महिना प्रहरीले चियाङ्सु प्रान्तमा भएका चोरीका घटनाहरूमाथि छानबिन गर्‍यो । यी चोरीमा पनि बिजुलीको काम गर्ने एक कामदारले नचिनियोस् भनेर सिलिकन मास्क लगाएर चोरी गरेको पाइयो । यी दुई चीनमा आपराधिक गतिविधिमा सिलिकन मास्कको बढ्दो प्रयोगको प्रतिनिधि घटना मात्रै हुन् ।…

एजेन्सी । सन् १९८० को दशकमा बचत तथा ऋण प्रवाहको संकटले वर्षौंसम्म अमेरिकी बैंकहरुलाई आतंकित बनायो । यही कारणले १ हजारभन्दा साना वित्तीय संस्थाको पतन र मर्जर भयो । चीनमा साना बैंकहरु अहिले यस्तै समस्याबाट गुज्रिरहेका छन् । जुन २४ यताको एक सातामा मात्र ४० बैैंकहरु बन्द भए, जसमध्ये कुनै सधैंका लागि बन्द भए त कुनै अन्य ठूला बैंकमा गाभिए । चीनमा सन् २०१९ देखि मध्यमस्तरीय बैंकहरुको पतन सुरु भएको थियो । यसक्रममा शक्तिशाली लगानीकर्ता र राज्यस्तरीय लगानीकर्ता डुबेका थिए । अहिले भने ग्रामीण बैंकहरुमा समस्या देखिएको हो । चिनियाँ ग्रामीण इलाकामा यस्ता करिब ४ हजार वित्तीय संस्थाहरु समस्यामा परेका…

काठमाडौं । जेडी पावरले प्रकाशित गरेको चिनियाँ ईभीको क्वालीटी सम्बन्धी रिपोर्टमा समस्या धेरै देखिएको छ । सन् २०२३ मा जेडी पावरले गरेको अध्ययन अनुसार प्रति १०० न्यू इनर्जी भेहिकलमा २१० वटा समस्या देखिएको हो । जेडी पावरले २०२४ चाइना न्यू इनर्जी भेहिकल इनीसियल क्वालीटी स्टडीको रिपोर्ट गत सनिबार सार्वजनिक गरेको थियो । जेडी पावरले दुई महिनादेखि ६ महिनासम्म चिनियाँ ईभी चलाएका ९ हजार ७९१ चालकसँग अन्तक्र्रिया गरेर उक्त रिपोर्ट तयार गरेको उल्लेख छ । जेडी पावरको अध्ययन अनुसार सन् २०२३ मा डिजाइन सम्बन्धी समस्या प्रति १०० गाडीमा ३५ वटासम्म देखाएको हो । डिजाइनमै समस्या भएको कारण अन्य धेरै समस्या थपिएको…

काठमाडौं । लद्दाखको पूर्वी क्षेत्र प्यांगोङ तालको सीमा नजिक चिनियाँ सेनाले ठूलो मात्रामा हतियार सङ्कलन गरिरहेको छ । अमेरिकी कम्पनी ब्ल्याकस्काईले आफ्नो स्याटेलाइट फोटो सार्वजनिक गरेको छ । जसमा चिनियाँ सेनाहरूले हतियार र इन्धन भण्डारण गर्न बनाएका बङ्करहरू देखिन्छ । यी बङ्करहरू सन् २०२१-२२ मा निर्माण गरिएको हो । त्यहाँ इन्धन र हतियार भण्डार गरिएको भारतीय सञ्चारमाध्यमले जनाएका छन् । उक्त स्थानमा बख्तरबन्द गाडीहरू पनि देखिन्छ । हिन्दुस्तान टाइम्सको रिपोर्टका अनुसार पाङ्गोङ ताल नजिकै सिरजापमा चिनियाँ सेनाको बेस छ । यहाँ चिनियाँ सैनिकको क्षेत्रिय मुख्यालय पनि छ । यो ठाउँलाई भारतले आफ्नो दाबी गर्दै आएको छ । यो एलएसीबाट मात्र…