काठमाडौं । नेपालमा पछिल्लो २४ घण्टामा काेराेनाबाट थप २३ जनाको मृत्यु भएको छ ।
याेसँगै नेपालमा कोरोना भाइरसकाे संक्रमणबाट मृत्यु हुनेकाे संख्या १ हजार ६ सय ३७ पुगेको स्वास्थ्य तथा जनसंख्या मन्त्रालयले जनाएकाे छ।
यस्तै नेपालमा आज थप १ हजार ३८२ जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको कुल संख्या २ लाख ४३ हजार ३७७ पुगेको स्वास्थ्य तथा जनसंख्या मन्त्रालयले जनाएको छ ।
यस्तै बितेको २४ घण्टामा १ हजार ६२१ जना कोरोना भाइरस संक्रमण मुक्त भएका छन् ।
योसँगै हालसम्म निको हुनेको कुल संख्या २ लाख २९ हजार ५४ पुगेको छ । यसैगरी आजसम्म देशभर सक्रिय संक्रमितको संख्या १२ हजार ९४८ रहेको छ ।
