ताइवानीलाई सम्बोधन गर्दै दलाई लामाले भने – म ताइवान आउन इच्छुक छु

एजेन्सी । भारतमा निर्वासनमा रहेका तिब्बती धर्मगुरु दलाई लामाले आफ्नो ८५ औं जन्मदिनको एक दिनअघि ताइवानीहरुलाई सब्धोन गर्दै आफू ताइवान आउन इच्छुक भएको बताएका छन् ।

उनले भिडियो कन्फरेन्समारफत गरेको सम्बोधनमा ‘एट भर्सेस फर ट्रेनिङ दी माइन्ड’ सम्बन्धी आफ्नो प्रवचन दिएका थिए । उनले ताइवानीहरुलाई भने, “मैले ताइवानमा पहिलो पटक भेटेदेखि नै ताइवानीहरु मेरो हृदयमा हुनुहुन्छ । मलाई लाग्छ कतिपय मेरा पुराना साथीहरु पनि हुनुहुन्छ र तपाईंहरु निरन्तर मेरो दिमाग र हृदयमा हुनुहुन्छ । आज म गेसे लाङ्‌ग्री ताङ्पाका “मष्तिष्कको प्रशिक्षणसम्बन्धी आठ हरफ’ वाचन गर्न चाहन्छु ।”

उनले आफू ताइवान आउने विश्वास व्यक्त गरे । उनले भने, “राजनीतिक परिदृश्य परिवर्तन भएपछि ताइवानमा आउने आशा छु । जे भए पनि तपाईंहरु मेरो आत्मामा हुनुहुन्छ । स्वस्थ रहनूस्, धन्यवाद ।”

सन् १९५९ मा चीनले तिब्बतमाथि हस्तक्षेप गरेपछि लामा निर्वासनमा गएका थिए । नोबल शान्ति पुरस्कार विजेता लामा एकता र करुणाका सन्देशवाहक हुन् ।

Facebook Comments