रुसलाई सहयोग गरेमा चीनले गम्भीर आर्थिक परिणाम भोग्‍नुपर्ने बाइडेन चेतावनी

एजेन्सी। अमेरिकी राष्ट्रपति जो बाइडेनले आफ्ना चिनियाँ समकक्ष सी जिनपिङलाई चीनले रुसलाई सहयोग गरेमा सम्भावित आर्थिक भयावहको सामना गर्नुपर्ने चेतावनी दिएका छन्।

चीनले रुसलाई सहयोग उपलब्ध गराउने सम्भावनाबारे बाइडेनले गत हप्ता चिनियाँ राष्ट्रपति सी जिनपिङसँग यस विषयमा “धेरै सीधा कुराकानी” भएको बताएका छन्।

नाटोको मुख्यालय नाटोको शिखर सम्मेलन र सात समूहको बैठकपछि पत्रकार सम्मेलन गर्दै उनले युक्रेनमा रुसले गरेको आक्रमणको निन्दा गरेका हुन्। उनले रुसको निन्दा गर्दै स्पष्टरुपमा चिनियाँ राष्ट्रपति सीलाई रुसलाई सहयोग नगर्न सुझाएका हुन्।

उनले रुसको व्यवहारको नतिजालाई औंल्याए र चीनले पश्चिमसँग बलियो आर्थिक सम्बन्ध विकास गर्न खोजेको कुरामा पनि जोड दिएका छन्।

उनले चिनियाँ राष्ट्रपति सीलाई भनेका थिए, ‘यदि वास्तवमा, उनी अगाडि बढ्ने हो भने, ती उद्देश्यहरूमा आफूलाई महत्त्वपूर्ण खतरामा पार्नेछन्। मलाई लाग्छ कि चीनले बुझेको छ कि उसको आर्थिक भविष्य रूससँग भन्दा पश्चिमसँग धेरै नजिक छ। र यसैले म आशावादी छु कि उसले रुससँगै कुनै इन्गेजमेन्ट गर्दैन।’

यसबाहेक, बाइडेनले गत शुक्रबार चिनियाँ राष्ट्रपतिसँग गरेको कुराकानीको बारेमा बोल्दै चीनले पश्चिमासँग बलियो आर्थिक सम्बन्ध विकास गर्न खोजेको बताएका थिए।

रुस र युक्रेनलाई युरोपको “ब्रेडबास्केट” भन्दै बाइडेनले युक्रेनमा खाद्यान्न अभाव हुनसक्ने भएकोले नाटोले सहयोग गर्ने नाटोको आपतकालीन कोष सञ्‍चालनमा ल्याउन आग्रह गरेका हुन्। रुसमाथि पश्‍चिमा मुलुकहरुले प्रतिबन्ध लगाएका छन्। जसका कारण रुस गम्भीर आर्थिक संकटमा फसेको छ।