बाँके दुर्घटना : सबैको कोरोना भाइरस रिपोर्ट नेगेटिभ

फाेटाे रासस

बाँके । बाँकेमा भएको दुर्घटनामा ज्यान गुमाएका तथा घाइते सबैको कोरोना भाइरसको रिपोर्ट नेगेटिभ आएको छ। भेरी अस्पतालले दुर्घटनामा परेका ३३ जना सबैको पीसीआर रिपोर्ट नेगेटिभ आएको जानकारी दिएको छ ।

भेरी अस्पतालका मेडिकल सुपरिन्टेन्डेन्ट डा. प्रकाशबहादुर थापाका अनुसार १२ जना मृतक र २१ जना घाइतेको पीसीआर परीक्षणको रिपोर्ट नेगेटिभ आएको हो ।

थापाले भने, ‘उहाँहरुको आज बिहान १० बजे नै स्वाब संकलन गरेर प्रयोगशालमा पठाइएको थियो । उहाँहरु सबैको रिपोर्ट नगेटिभ आएको हो । १२ जना मृतक र २१ जना घाइतेको नै रिपोर्ट नगेटिभ आएको छ ।’

दुर्घटनामा परी ११ जनाको घटनास्थलमै र एकजनाको उपचारका क्रममा मृत्यु भएको थियो । अन्य घाइतेको भेरी अस्पतालमा उपचार भइरहेको छ । दुर्घटनामा २१ जना घाइते भएका छन् ।

मृतक सबैको शव भेरी अस्पतालमा राखिएको छ । घाइते २१ को पनि भेरी अस्पतालमै उपचार भइरहेको छ । भारतका विभिन्न शहरमा काम गर्न गएका उनीहरु कोरोना संक्रमणको अवस्थामा नेपाल आएका थिए । नेपालगञ्ज जमुनाहा नाकाबाट नेपाल भित्राइएको उनीहरु गृह जिल्ला जान हिडेको गाडी दुर्घटनामा परेको हो ।

दुर्घटनामा मृत्यु हुनेहरुमा दैलेख जिल्ला साविकको बराहा गाविस वडा नम्वर ३ का गाडी चालक दानबहादुर खड्का, सुर्खेत जिल्ला लाटि कोइलीका गाडी सहचालक पवन भण्डारी र दाङ्ग राजपुर ६ का रामकुमार पुनको सनाखत भएको जिल्ला प्रहरी कार्यालय बाँकेका प्रमुख एसएसपी वीर बहादुर वलीले जनाकारी दिए ।

त्यसैगरी ठेगाना नखुलकेका बुद्धि राम विक, भीमबहादुर विक, दिलबहादुर विक, नरेन्द्र बिक, मोहनचन्द्र बिक, पुर्णबहादुर पुन, सीता पुन, दानबहादुर खड्का, पवन भण्डारी र रितेश कार्कीको मृत्यु भएको छ ।

दुर्घटना घाइते हुनेहरुमा दाङ्गका ६ जना, रोल्पाका ५ जना र सल्यानका १० जना छन । भातरबाट आएका ३३ (चालक र सहचालक सहित) यात्रु लिएर सल्यान तर्फ जादै गरेको बा ५ ख ५९९५ नम्बरको फोर्स गाडी राति सवा ब्राह बजेतिर रोकिराखेको बा ४ ख ९०६४ नम्बरको ट्रकमा ठोकिँदा दुर्घटना भएको बाँके प्रहरी प्रमुख एसएसपी वलीले बताएका छन ।

Facebook Comments