राजनीति

काठमाडौं । नेकपा माओवादी केन्द्रका वैकल्पिक केन्द्रीय सदस्य गोरखबहादुर केसीले पार्टी महासचिव देव गुरुङमाथि भ्रष्टाचारको आरोप लगाउनुभएको छ । पार्टीलाई बुझाएको स्पष्टीकरण पत्रमा केसीले महासचिव गुरुङ नै विभिन्न भ्रष्टाचारका काण्डमा मुछिएको आरोप लगाउनुभएको हो । वैकल्पिक केन्द्रीय सदस्य केसी र उहाँको सचिवालयका एकजनाले भूकम्प प्रभावितलाई राहत दिन जाजरकोट पुगेकी एक चिनियाँ महिलामाथि हातपात गरेको आरोपमा केसीमाथि पार्टीले स्पष्टीकरण सोधेको थियो । चिनियाँ कम्युनिष्ट पार्टीले पठाएको सहयोग सामग्रीलाई महासचिव गुरुङले भनसुन गरी आफ्नो भदैनीको पति रहेका मुक्ति मरासिनीको संस्था ग्लोबल को-ओपरेसन फर डेभलपमेन्टलाई दिलाएको र यसको भ्रष्टाचारबाट हुने आम्दानीमा दुवै हिस्सेदार रहेको केसीको दाबी छ । उहाँले दुवैमाथि पार्टी र सरकारले…

काठमाडाैं । काठमाडौं महानगरपालिकाका मेयर बालेनले चीनलाई लक्षित गरी व्यंग्य गरेका छन् । सामाजिक सञ्जाल ट्वीटरमार्फत मेयर बालेनले कविताद्वारा चीनलाई लक्षित गरी व्यंग्य गरेका हुन् । उनले ट्वीटरमा लेखेकाे कविता जस्ताकाे त्यस्तै तिम्रो लागी सधै रित्तै बस्न मनछ, पोखरा विमानस्थल जस्तै , आज जस्तै सित्तै रच्न मनछ , सरकारको पूर्णविराम मन जस्तै , न त तिम्रो सहारा , न त म उडाउछु, तिमी रिन जसरि मार , म चिन जसरि डुबाउछु । तिम्रो लागी सधै रित्तै बस्न मनछ, पोखरा विमानस्थल जस्तै , आज जस्तै सित्तै रच्न मनछ , सरकारको पूर्णविराम मन जस्तै , न त तिम्रो सहारा , न त…

चीन सिमानाको पिल्लर नम्बर २४ देखि २२ किलोमिटर दूरीमा रहेको लोमाङथाङ बजारबीचमा मात्रै सीमा प्रहरी कार्यालय रहेछ । यो नेपाल र चीनबीच सन् १९६० को दशकमा भएको सहमतिअनुसार निर्माण भयो होला । किनभने, सगरमाथाका सन्दर्भमा विवाद भएपश्चात् नेपाल र चीनले आफ्नो सिमानाको ‘नो म्यान्स’ भूमिबाट २० किलोमिटर क्षेत्रमा सेनाका गतिविधि नगर्ने भनिएको थियो । सिमानाबाट ९ किलोमिटरभित्र पर्ने नेचुङमा प्रहरी चौकी र भन्सारको स्थापना गरिएको छ । अर्थात् सीमा प्रहरी कार्यालयबाट २२ किलोमिटर र नेचुङस्थित भन्सार कार्यालयबीचको ९ किलोमिटरमा नेपालको उपस्थिति छैन । नेपाल–चीन सिमानाको पिल्लर नम्बर २४ सम्म नेपाल सरकारको कुनै संरचना निर्माण भएको छैन । पिल्लरबाट करिब ६…

काठमाडौँ । त्रिभुवन विश्वविद्यालयको केन्द्रीय पुस्तकालयको उद्घाटन भएको छ । परराष्ट्रमन्त्री एनपी साउद र भारतीय विदेशमन्त्री डा एस जयशंकरले संयुक्त रुपमा पुस्तकालयको उद्घाटन गरेका हुन् । त्रिभुवन विश्वविद्यालय, केन्द्रीय पुस्तकालयको नव निर्मित भवनको आज उद्घाटन भएको हो । नेपाल भ्रमणमा रहेका एस जयशङ्करले त्रिवि परिसरमा भएको कार्यक्रममा नयाँ भवनको शुभारम्भ गरेका हुन् । भारतीय सहयोगमा निर्मित तीन तले पुस्तकालय भवनमा दुई हजार विद्यार्थीले अध्ययन गर्न सक्ने छन् । त्रिवि केन्द्रीय पुस्तकालयका कार्यकारी निर्देशक सागरराज सुवेदीका अनुसार तीन तल्ला नयाँ भवन अपाङ्गमैत्री तथा लिफ्टलगायतका सुविधासमेत छन् । नयाँ भवन पाएसँगै पुस्तकालयमा किताब जारी गर्न र फिर्ता भएको पुस्तकको अभिलेख राख्ने विशेष…

काठमाडौं । नेपाल-भारत संयुक्त आयोगको सातौँ बैठकमा भाग लिन नेपाल आएका भारतीय विदेशमन्त्री डा. एस जयशङ्कर शुक्रबारसमेत भेटवार्ता र कार्यक्रममा व्यस्त हुनेछन्। नेपाल भ्रमणको पहिलो दिन राष्ट्रपति रामचन्द्र पौडेल, प्रधानमन्त्री पुष्पकमल दाहाल ‘प्रचण्ड’, पूर्वप्रधानमन्त्री शेरबहादुर देउवा, केपी ओली माधवकुमार नेपाल, परराष्ट्रमन्त्री नारायणप्रसाद साउदसँग भेटवार्ता गरिसकेका छन्। शुक्रबार साँझ उनले मधेस केन्द्रित तीन दलका शीर्ष नेतासँगसमेत भेटवार्ता गरिसकेका छन्। उनले लोकतान्त्रिक समाजवादी पार्टी नेपालका अध्यक्ष महन्थ ठाकुर, जनता समाजवादी पार्टी नेपालका अध्यक्ष उपेन्द्र यादव र जनमत पार्टीका अध्यक्ष चन्द्रकान्त राउतसँग भेट गरेका हुन्। जयशङ्करले शुक्रबार त्रिभुवन विश्वविद्यालयको केन्द्रीय पुस्तकालय र भूकम्पपछिका पुनःनिर्माण परियोजनाको उद्घाटन गर्ने कार्यक्रम रहेको छ। दुई दिने भ्रमण…

काठमाडौं । भारतीय विदेशमन्त्री एस जयशंकर पशुपतिनाथको दर्शन गरेका छन् । बिहीबार दुई दिने भ्रमणका लागि नेपाल आएका जयशंकरले आज बिहान पशुपतिनाथ मन्दिर दर्शन एवं पूजाअर्चना गरेका हुन् । उनले पशुपतिनाथ मन्दिर परिसरमा रुद्राक्षको बिरूवा पनि रोपेका छन् । पशुपति मन्दिर परिसरमा उनले रुद्राक्षको एउटा बोट पनि रोपेको पशुपति क्षेत्रविकास कोषले जनाएको छ । उनलाई पशुपति क्षेत्र विकास कोषका पधाकिारीले स्वागत गरेका थिए । उनले आजै त्रिवि पुस्तकालय तथा भुकम्पपछिको पुनर्निर्माण परियोजनाको उद्घाटन कार्यक्रममा सहभागी हुनेछन्। विदेशमन्त्री जयशंकर दिउँसो साढे १२ बजे स्वदेश फर्किने तालिका रहेको परराष्ट्र मन्त्रालयले जनाएको छ । जयशंकरले भ्रमणका क्रममा बिहीबार नै राष्ट्रपति रामचन्द्र पौडेल, प्रधानमन्त्री…

काठमाडौँ । भारतले नेपालको भूकम्प प्रभावित क्षेत्रको पुनर्निमाणका लागि १० अर्ब रुपैयाँ अनुदान सहयोग दिने भएको छ । बिहीवार परराष्ट्रमन्त्री नारायणप्रकाश साउद र भारतीय विदेशमन्त्री एस जयशंकरको उपस्थितिमा दुई देशका बीचमा भएको उर्जा व्यापार सम्झौताअनुरुप भारतले नेपालको भूकम्प प्रभावित क्षेत्रको पुनःनिर्माणका लागि १० अर्ब रुपैयाँ अनुदान दिने भएको हो । सञ्चारकर्मीहरुसँग कुराकानी गर्दै परराष्ट्र मन्त्रालयका प्रवक्ता अमृतबहादुर राईले सो कुराको जानकारी दिए । उनले दुई देशका उर्जा सचिवहरुका बीचमा भारतले नेपालबाट १० वर्षमा १० हजार मेगावटसम्म विद्युत आयात गर्ने सम्झौता भएको पनि बताए । त्यस्तै नेपाल एकेडेमी अफ साइन्स एण्ड टेक्नोलोजी र न्यु स्पेस इण्डिया लिमिटेडबीच नेपालले बनाएको म्यानुअल स्याटेलाइट…

काठमाडौँ । नेपाल–भारतबिच दीर्घकालीन ऊर्जा व्यापार सम्बन्धी सहमति भएको छ । नेपाल भारतको संयुक्त बैठकपछि सामाजिक सञ्जालमा लेख्दै भारतीय विदेश मन्त्री एस. जयशंकरले दुई देशबिच भएको सहमतिबारे जानकारी दिएका हुन् । उनले लेखेका छन्,'उच्च प्रभाव सामुदायिक विकास परियोजनाको कार्यान्वयन, दीर्घकालीन ऊर्जा व्यापार, नवीकरणीय ऊर्जा विकासमा सहकार्य, मुनाल स्याटेलाइटसम्बन्धी सहमतिपत्रमा हस्ताक्षर सम्पन्न भयो ।' यस्तै जयशंकरले जाजरकोटका भूकम्प पीडितका लागि पाँचौँ चरणको राहत सामग्री हस्तान्तरण गरिएको पनि जानकारी दिए । बिहीबार तीनवटा अन्तरदेशीय प्रसारण लाइनको संयुक्त उद्घाटन गरिएको थियो । Co-chaired with my counterpart FM @NPSaudnc a comprehensive and productive meeting of the 7th India-Nepal Joint Commission. Discussions focused on our…

काठमाडौं । भारतीय विदेश मन्त्री एस. जयशंकरले सन् २०२४ को पहिलो भ्रमण नेपालबाट गरेका छन्। नेपाल–भारत संयुक्त आयोगको बैठकमा भाग लिन आज बिहान त्रिभुवन अन्तर्राष्ट्रिय विमानस्थलमा उत्रिए लगत्तै विदेशमन्त्री जयशंकरले आफूले नयाँ वर्षको पहिलो भ्रमण नेपालमा गर्न पाउँदा हर्षित भएको बताएका हुन्। ‘सन् २०२४ को मेरो पहिलो भ्रमणको रुपमा नेपाल आउन पाउँदा अत्यन्तै हर्षित छु।’ उनले ट्वीट गर्दै भनेका छन्,‘आगामी दुई दिनसम्म चल्ने विविध कार्यक्रमका लागि उत्साहित छु।’ विदेशमन्त्री जयशंकरले आजै उच्चस्तरीय राजनीतिक भेटवार्ता गर्नेछन्। उनी ११ बजे राष्ट्रपति रामचन्द्र पौडेललाई भेट्न शीतल निवास जानेछन्। राष्ट्रपतिसँगको भेटवार्तापश्चात मध्यान्ह १२ बजे पुष्पकमल दाहाल ‘प्रचण्ड’सँग बालुवाटारमा भेटघाट गर्ने कार्यतालिका छ। दिउँसो १…

काठमाडौं । भारतीय विदेश मन्त्री एस. जयशंकर काठमाडौं आइपुगेका छन् । नेपाल–भारत संयुक्त आयोगको बैठकमा भाग लिन उनी भारतीय वायु सेवाको विशेष विमानमार्फत् त्रिभुवन अन्तर्राष्ट्रिय विमानस्थलमा अवतरण गरेका हुन् । उनलाई परराष्ट्रमन्त्री एनपी साउदले स्वागत गरेका थिए । उनले आजै विदेशमन्त्री जयशंकर उच्चस्तरीय राजनीतिक भेटवार्ता गर्नेछन्। उनी ११ बजे राष्ट्रपति रामचन्द्र पौडेललाई भेट्न शीतल निवासस्थित राष्ट्रपति कार्यालयमा जानेछन्। राष्ट्रपतिसँगको भेटवार्तापश्चात मध्यान्ह १२ बजे पुष्पकमल दाहाल ‘प्रचण्ड’सँग बालुवाटारमा भेटघाट गर्ने कार्यतालिका छ। दिउँसो १ बजे जयशंकर होटल याक एण्ड यतिमा आयोजना हुने नेपाल-भारत परराष्ट्रमन्त्रीस्तरीय संयुक्त आयोगको बैठकमा सहभागी हुनेछन्। बैठकमा नेपालको तर्फबाट परराष्ट्रमन्त्री साउद र भारतको तर्फबाट विदेशमन्त्री जयशंकरले गर्नेछन्।