बाग्मती प्रदेश

काठमाडौं- स्वास्थ्य तथा जनसंख्या मन्त्रालयले धुलिखेल अस्पतालमा मृत्यु भएकी सुत्करीको मृत्युको कारणका विषयमा मन्त्रालयले आवश्यक अध्ययन गरीरहेको जानकारी दिएको छ। अस्पतालमा उपचारका लागि ल्याइएकी सुत्केरीको शुक्रबार राती मृत्यु भएको थियो। श्वासप्रस्वासमा समस्या आएकी उनको मृत्यु कोरोनाका कारण भएको भन्दै हल्ला चलेको थियो। तर मन्त्रालयले कोरोनाका कारण उनको मृत्यु भएको हो वा होइन भन्ने विषयमा थप परीक्षण गरिरहेको मन्त्रालयका प्रवक्ता डा विकास देवकोटाले जानकारी दिए। मन्त्रालयको नियिमत कोरोना ब्रिफिङका क्रममा मन्त्रालयका प्रवक्ता डा देवकोटाले सुत्केरीको मृत्युका विषयमा मन्त्रालयले आवश्यक परीक्षण गरिरहेको जानकारी दिएका हुन्। उनका अनुसार धुलिखेल अस्पतालमा मृत्यु भएकी ती सुत्केरीले गत वैशाख २३ गते त्रिवि शिक्षण अस्पतालमा बच्चालाई जन्म…