काठमाडाैं उपत्यकामा थपिए १२७ जना काेराेना संक्रमित

काठमाडाैं । पछिल्लाे २४ घण्टामा काठमाडाैं उपत्यकामा थप १२७ जनामा काेराेना संक्रमण पुष्टि भएकाे छ । पछिल्लाे २४ घण्टामा देशभर थप ५२५ जनामा कोरोना भाइरस संक्रमण पुष्टि हुँदा काठमाडाैं उपत्यकाभित्र १२७ जनामा संक्रमण देखिएकाे स्वास्थ्य तथा जनसंख्या मन्त्रालयले जनाएकाे छ ।

नियमित प्रेस ब्रिफिङमा मन्त्रालयका प्रवक्ता प्रा. डा. जागेश्वर गाैतमले दिएकाे जानकारी अनुसार उपत्यकामा थपिएका संक्रमितमा काठमाडौंका १११, ललितपुरका ११ र भक्तपुरका ५ जना छन् ।

देशभर कुल संक्रमितको संख्या २४ हजार ९५७ पुगेको छ । पछिल्लो अध्यावधिक विवरणअनुसार १०९ जना डिस्चार्ज भएका छन् । योसँगै हालसम्म निको हुनेको कुल संख्या १६ हजार ८३७ जना पुगेको मन्त्रालयले जनाएकाे छ ।