भारत आक्रमक बनेपछि आत्तियाे चीन

एजेन्सी । पूर्वी लद्दाखमा अतिक्रमण गर्ने प्रयासमा लागेको चीन भारतको आक्रामक र सक्रिय प्रतिरोधबाट आत्तिएको छ । प्रधानमन्त्री नरेन्द्र मोदीले चीनलाई पछि हट्न बाध्य पार्ने प्रतिक्रियात्मक नेतृत्व गरेका छन् ।

लद्दाखको गलवान भ्यालीमा जून १५ मा भारत-चीनबीच भएको सैन्य झडपमा २० भारीय सैनिक मारिएका थिए । चीनले आफ्नो सैनिकको मनोवल घट्छ भन्‍ने उद्देश्यले मारिएका सैनिकको सूची सार्वजनिक गरेन ।

तर, चिनियाँ विदेश मन्त्रालयले निरन्तर भारतलाई धम्की दिने काम गरिरहेको थियो । प्रधानमन्त्री मोदी शुक्रबार एकाएक उत्तरी सीमा लद्दाखको लेह पुगेर भारतीय सेनालाई हौसला दिँदै चीनलाई चेतावनी दिएका थिए ।

प्रधानमन्त्री मोदीले ११ हजार फिटको उचाईमा रहेका सीमा सैनिकलाई सम्बोधन गर्ने क्रममा चीनतर्फ संकेत गर्दै विस्तावरवादको युग समाप्त भइसकेको र विकासको युग सुरु भएकोले विस्तारवादी योजनालाई रोक्न चेतावनी दिएका थिए । उनले थपेका थिए, “इतिहास साक्षी छ, विस्तारवादी शक्तिहरुले कि हारेका छन् कि त पछि फर्किएका छन् ।”

मोदी यतिमै रोकिएनन, भने, “कायरले कहिल्यै पनि शान्ति स्थापना गर्न सक्दैन तर, साहसीहरुले शान्ति स्थापना गर्न सक्छन् ।” प्रधानमन्त्री मोदीले चीनको नाम नलिएरै चीनले आफ्नो हरेक छिमेकीलाई दुख दिइरहेको र सीमा समस्या उत्पन्‍न गराएको बताएका थिए ।

चीनले उक्त अभिव्यक्तिपछि भारतका विषयमा कुनु टिप्पणी गरेको छैन । यहाँसम्मकी सामाजिक सञ्‍चालमा रहेका चिनियाँ समर्थकहरु पनि शान्त छन् । चिनियाँ विदेश मन्त्रालयले भारत-चीन सीमा समस्या समाधानका लागि संवादमा भएकोले स्थितिलाई समाधान गर्न सहयोग गर्ने जनाएको छ ।

यसअघि पिपुल्स लिब्रेसन आर्मीका पश्‍चिमी क्षेत्र कमाण्डका प्रवक्ता जाङ सिउलीले गलवान चीनको स्वायत्तामा पर्ने बताएका थिए । तर,प्रधानमन्त्री मोदीको गर्जनपछि भने कुनै प्रतिक्रिया दिएको छैन ।

Facebook Comments