भारतीय रक्षामन्त्रीले भने- वार्ताकै माध्यमबाट नेपाल-भारत समस्या समाधान हुन्छ(भिडियाेसहित)

एजेन्सी । भारतीय रक्षामन्त्री राजनाथ सिंहले लिपुलेक, लिम्पियाधुरा र कालापानालाइ लिएर नेपालमा असमझदारी पैदा भएको बताएका छन्। उनले लिपुलेक हुँदै तिब्बतको मानसरोवर जोड्ने लिंक रोडबारे नेपालमा असमझदारी पैदा भएको बताए। सोमबार उत्तराखण्ड जनसंवादलाई सम्बोधन गर्दै सिंहले धार्चुला–लिपुलेक–मानसरोवर सडकबारे नेपालमा असमझदारी सिर्जना भएको दाेहर्याए।

हमारे पड़ोसी देश नेपाल में इस सड़क को लेकर कुछ गलतफहमियां पैदा हुई हैं। भारत और नेपाल के बीच का जो रिश्ता है ये कोई सामान्य रिश्ता नहीं है। भारत और नेपाल का रिश्ता रोटी और बेटी का है। pic.twitter.com/99EeTaXvlW

— Rajnath Singh (@rajnathsingh) June 15, 2020

सिंहले मानसरोवर यात्रामा जाने तीर्थयात्रीले पहिले सिक्किमको नथुला पास हुँदै यात्रा गर्नुपर्ने बाध्यता रहेको उल्लेख गर्दै अब सीमा सडक संगठन(बीआरओ) ले निर्माण गरेको लिंक रोडमार्फत सहज यात्रा हुने बताए। उनले नेपाल र भारतबीच घनिष्ठ सम्बन्ध रहेको उल्लेख गर्दै भने, ‘हाम्रो छिमेकी देशमा यस सडकलाई लिएर केही असमझदारी सिर्जना भएको छ। भारत र नेपालबीचको सम्बन्ध सामान्य होइन। नेपाल र भारतबीच रोटी र बेटीको सम्बन्ध रहेको छ।’ सिंहले नेपाल र भारतबीच सामाजिक, भौगोलिक र सांस्कृतिक सम्बन्धका साथै आध्यात्मिक सम्बन्ध पनि रहेको बताए।

नेपाल के साथ हमारे केवल सामाजिक, भौगोलिक, ऐतिहासिक और सांस्कृतिक रिश्ते ही नहीं बल्कि आध्यात्मिक रिश्ते भी हैं।

भारत नेपाल सीमा को लेकर जो एक भ्रम की स्थिति बनी है उसको मिल बैठ कर बातचीत के माध्यम हल कर लेंगे।

नेपाल के लोगों के प्रति भारत में कभी कटुता नहीं रही है।

— Rajnath Singh (@rajnathsingh) June 15, 2020

‘भारत–नेपाल सीमाका बारेमा एक खालको भ्रम सिर्जना भएको छ ’ त्यसलाई वार्ताकै माध्यमबाट समाधान गरिनेछ। नेपाली नागरिकप्रति भारतमा कहिल्यै कटुता देखिएको छैन।’ नेपाल र भारतबीच धार्मिक र ऐतिहासिक सम्बन्ध रहेको चर्चा गर्दै उनले भने, ‘बाबा पशुपतिनाथलाई हामीले कसरी बिर्सन सक्छौं। बाबा पशुपतिनाथ होस् वा हाम्रो काशी विश्वनाथ, सोमनाथ यी सबैलाई अमरनाथसँग कसरी अलग गर्न सकिन्छ ? यो सम्बन्ध यो लोकको होइन, म यो सम्बन्ध अर्कै लोकको हो भन्नेमा विश्वास राख्छु। यो सम्बन्धलाई कसैले चाहेर पनि परिवर्तन गर्न सक्दैन।’

बाबा पशुपतिनाथ को हम कैसे भूल सकते हैं।बाबा पशुपतिनाथ हों या चाहे हमारे भारत में काशी विश्वनाथ, सोमनाथ इन सबको अमरनाथ से अलग कोई कैसे कर सकता है?

यह सम्बन्ध तो इस लोक का नही है बल्कि मैं यह मानता हूं कि यह संबंध दूसरे लोक का है, जो चाह कर भी कोई इसे बदल नहीं सकता है। pic.twitter.com/cz9B9V1XMH

— Rajnath Singh (@rajnathsingh) June 15, 2020

त्यस्तै महाकाली नदीको उपस्थिति कोलकाताको कामख्या मन्दिरदेखि भारतीय सेनाको गोर्खा रेजिमेन्टसम्म रहेको उल्लेख गर्दै रक्षामन्त्री सिंहले नेपाल भारतको सम्वन्ध अन्य देशसँग तुलना गर्न नमिल्ने बताए। ‘कोलकाताको कामख्यादेखि विन्ध्याचलसम्म सबैतिर महाकाली रहेकी छिन्। उत्तराखण्डको गाउँगाउँमा महाकालीका भक्त छन् ’ सिंहले भनेका छन् ‘यस्तो अवस्थामा नेपाल भारतको सम्बन्ध कसरी टुट्न सक्छन्। धार्चुलाको अगाडि जति तारबार लगाए पनि यो सम्बन्धलाई तोड्न सकिँदैन।’

त्यस्तै अहिले आफूले रक्षामन्त्रीको पनि जिम्मेवारी निर्वाह गरिरहेको उल्लेख गर्दै सिंहले भारतीय सेनामा गोरखा रेजिमेन्ट भएको सम्झना गरे। ‘भारतमा रहेको गोरखा रेजिमेन्ट जसले पटक–पटक शौर्य र पराक्रमको परिचय दिएको छ। ’यसअघि पनि भारतीय रक्षामन्त्री राजनाथ सिंहले विभिन्न सञ्चारमाध्यमसँगको साक्षात्कारमा लिपुलेकमा नेपालसँग उत्पन्न भएको सीमा विवाद वार्ताद्वारा नै हल गर्ने बताए।