काठमाडौं । बागलुङमा बाढीले कालुङखोला जलविद्युत आयोजना बगाएको छ।
बुधबार जैमिनी नगरपालिका–९ पैयुथन्थाप बिजुवामा रहेको कालुङखोला जलविद्युत आयोजना बगाएको जिल्ला प्रहरी कार्यालय बागलुङले जनाएको छ ।
प्रहरीका अनुसार कालुङखोला आयोजनाको विद्युतगृह र त्यहाँ रहेका तीन वटा झोलुङ्गे पुलमा पनि पूर्णरूपमा क्षति पुगेको छ।
बाढीले एउटा गोरूलाई पनि बगाएको छ। त्यहाँ रहेका करिब १० वटा घर जोखिममा छन्।
स्थानीयबासीलाई प्रहरीले सुरक्षित स्थानमा सारेको छ।
Facebook Comments