काठमाडौं : १६ बर्षीया बालिकालाई बलात्कार गरेको आरोपमा कार्गो व्यवसायीहरुको छाता संगठन फ्रेट फरवार्डस् संघ (नेफा) का अध्यक्ष मनोज अधिकारी पक्राउ परेका छन् ।
अधिकारीमाथि जबरजस्ती करणी सम्बन्धी कसूरमा कमलपोखरी प्रहरीमा किटानी जाहेरी दर्ता भएपछि पक्राउ गरिएको काठमाडौं प्रहरी प्रमुख एसएसपी अशोक सिंहले बताए ।
एसएसपी सिंहका अनुसार पक्राउ परेका उनीमाथि १६ वर्षीया किशोरीलाई करणी गरेको अभियोग रहेको छ।
अधिकारीले ८ कात्तिकमा पीडित किशोरीलाई रातोपुलस्थित एक रेष्टुरेन्टमा बलात्कार गरेको जाहेरीमा उल्लेख रहेको प्रहरीको भनाइ छ। उनलाई महानगरीय प्रहरी वृत्त, कमलपोखरीको टोलीले ठमेलबाट पक्राउ गरेको हो ।
उनीमाथि जिल्ला अदालत, काठमाडौंबाट पाँच दिन म्याद थप गरेर थप अनुसन्धान भइरहेको प्रहरीले जनाएको छ।
