काठमाडाैं । काठमाडाैं उपत्यकामा एकै दिन ३ हजार ५९५ काेराेना संक्रमित थपिएका छन्।
स्वास्थ्य तथा जनसंख्या मन्त्रालयका अनुसार काठमाडाैंमा २ हजार ७४४, भक्तपुरमा ३०१ र ललितपुरमा ५५० गरी ३५९५ काेराेना संक्रमित थपिएका हुन्।
याे संख्या अहिलेसम्म कै उच्च हाे।
शनिबार काठमाडाैं उपत्यकामा २ हजार ४९५ काेराेना संक्रमित थपिएका थिए। हिजाे काठमाडाैंमा १९३२, भक्तपुरमा २०८ र ललितपुरमा ३५५ गरी २४९५ काेराेना संक्रमित थपिएका हुन्।
यस्तै, शुक्रबार काठमाडाैं उपत्यकामा २९५६ काेराेना संक्रमित थपिएका थिए।
मन्त्रालयका अनुसार शुक्रबार काठमाडाैंमा २४०४, भक्तपुरमा १३३ र ललितपुरमा ४१९ गरी १५६० काेराेना संक्रमित थपिएका हुन्।
आज देशभर थप ७ हजार १३७ जनामा कोरोना संक्रमण देखिएको छ। पीसीआर विधिबाट ७१३४ र एन्टिजेन विधिबाट ७४ जनामा संक्रमण पुष्टि भएको हो।
शनिबार मात्र नयाँ संक्रमितको संख्यामा रेकर्ड ५७६३ संक्रमित फेला परेका थिए। एकै दिनमा यो रेकर्ड तोडिएको हो। योसँगै नेपालमा कूल संक्रमितको संख्या ३ लाख ३६ हजार ३० पुगेको छ।
यही अवधिमा थप १ हजार ६१२ जना काेराेना संक्रमणमुक्त भएका छन्। नेपालमा हालसम्म २ लाख ८३ हजार ९९४ जना संक्रमित निको भइसकेका छन्। पछिल्लो २४ घण्टामा २७ जनाको मृत्यु भएको छ। हालसम्म ३३ सय २५ जनाले ज्यान गुमाइसकेका छन्।
Facebook Comments