संयुक्त आन्दोलनबारे देउवासँग छलफल जारी छः प्रचण्ड

चितवन । नेपाल कम्युनिस्ट पार्टी (नेकपा) का अध्यक्ष पुष्पकमल दाहाल प्रचण्डले अब दलहरू चाँडै संयुक्त आन्दोलनमा जाने बताएका छन् ।

चितवनमा सञ्चारकर्मीहरुसँग कुरा गर्दै प्रचण्ड-नेपाल समूहकाे नेतृत्व गरिरहेका अध्यक्ष प्रचण्डले संसद विघटनविरुद्ध संयुक्त रुपमा आन्दोलन गर्न दलहरुसँग छलफल भइरहेको बताए ।

चितवनको भरतपुरमा निर्माणाधीन सिटी हलको निरिक्षण गर्दै उनले नेपाली कांग्रेसका सभापति शेरबहादुर देउवा र जनता समाजवादी पार्टीका नेताहरूसँग संयुक्त आन्दोलनमा जानेबारे छलफल भएको जानकारी दिए ।

संविधानलाई सही ट्रयाकमा ल्याउन आन्दोलन गर्नुपरेको बताउँदै उनले प्रधानमन्त्री केपी शर्मा असंवैधानिक कदमबाट ओलीले प्रतिनिधि सभा विघटन गरेको बताए ।

Facebook Comments