प्रचण्ड–नेपाल समूह निकट विद्यार्थीहरुले प्रधानमन्त्रीलाई विरोधपत्र बुझाउँदै

काठमाडौं । नेपाल कम्युनिस्ट पार्टी (नेकपा) प्रचण्ड–नेपाल समूह निकट विद्यार्थीहरुले आज प्रधानमन्त्री केपी शर्मा ओलीलाई आज विरोध पत्र बुझाउँदैछन् ।

अनेरास्ववियू सहसंयोजक रञ्जित तामाङ नेतृत्वका विद्यार्थीहरुले प्रधानमन्त्री ओलीलाई संसद विघटनविरुद्ध विरोध पत्र बुझाउन लागेका हुन् ।

अनेरास्ववियूको तामाङ नेतृत्वको समूहले संसद विघटनविरूद्ध तेस्रो चरणका आन्दोलनको कार्यक्रम अन्तरगत विरोध पत्र बुझाउन लागेकाे हाे । तर समय निश्चित हुन बाँकी रहेको अनेरास्ववियूका एक नेताले बताए ।

समय उपलब्ध भएसम्म प्रधानमन्त्रीलाई नै भेटेर, नभए सचिवालयमा विरोध पत्र बुझाउने योजना रहेकाे अनेरास्ववियूले जनाएकाे छ।