निर्वाचनबाट दुई तिहाई ल्याउछौं : गृहमन्त्री थापा

काठमाडौं । नेपाल कम्युनिस्ट पार्टी (नेकपा) ओली समूहका नेता तथा गृहमन्त्री रामबहादुर थापा ‘बादल’ ले वैशाखमा हुने चुनावबाट आफ्नो पार्टीले दुई तिहाई बहुमत ल्याउने दाबी गरेका छन् ।

नेकपा निकट आदिवासी जनजाति महासङ्घ नेपालको राष्ट्रिय भेलालाई आज सम्बोधन गर्दै गृहमन्त्री थापाले ताजा जनादेशका लागि तोकिएको निर्वाचनबाट आफूहरुले दुई तिहाई बहुमत ल्याउने जिरिक गरे ।

उनले आफूहरुको पार्टीले बहुमत ल्याएर देशलाई स्थिरता दिने बताए। उनले कम्युनिष्ट आन्दोलनमा देखा परेको अवसरवाद र प्रतिगामी प्रवृत्तिलाई निर्वाचनले किनारा लगाउने पनि बताए।

गत पुस ५ गते प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले प्रतिनिधि सभा विघटन गरेपछि त्यसको विरोधमा नागरिक अगुवासहित विभिन्न राजनीतिक दलहरुले विरोेध गरिरहेका छन्।

Facebook Comments