भाइरल अर्जुन बिक पक्राउ

काठमाडौं । केही समय अगाडि सामाजिक सञ्जालमा भाइरल बनेका अर्जुन बिकलाई प्रहरीले पक्राउ गरेको छ । बिकलाई जबरजस्ती करणी, अपहरण र शरीर बन्धकको अभियोगमा पक्राउ गरिएको जिल्ला प्रहरी कार्यालय कैलालीले जनाएको छ ।

अदालतबाट पक्राउ पुर्जी जारी गरेर गत ८ गते अर्जुनलाई काठमाडौंको नयाँ बानेश्वरबाट पक्राउ गरेर कैलाली लगिएको प्रहरीले जनाएको छ । जिल्ला प्रहरी कार्यालय कैलालीका अनुसार अर्जुनविरुद्ध गत भदौ ११ गते अभियोग दर्ता भएको थियो ।

अभियोगपत्रमा अर्जुनले २०७३ जेठ ३० देखि २०७७ साउन १५ गतेसम्म बन्धक बनाएर राखेको र बलात्कार गरिएको उल्लेख छ । गत साउनमा दुई वर्षीय छोरालाई पिठ्युमा बोकेर रिक्सा चलाएको फोटो सामाजिक संजालमा आएपछि भाइरल भएपछि अर्जुन एकाएक भाइरल बनेका थिए ।

१३ वर्षमा विवाह गरेर १५ वर्षमा छोरा जन्मिएको केही समयपछि श्रीमतीले अर्को विवाह गरेको झुटो खबर बताएर सामाजिक संजाल र युट्युबमा भाइरल भएपछि अर्जुनले आधा दर्जनभन्दा धेरै म्युजिक भिडियोमा खेल्ने मौका पाएका थिए ।