खेलकुद

पोर्चुगल । जर्मन क्लब बायर्न म्युनिखले यूइएफए च्याम्पियन्स लिगको यस सिजनको उपाधि हात पार्न सफल भएको छ । याेसहित बायर्नले छैटौं पटक च्याम्पियन्स लिगको उपाधि हात पारेको हो । गएराति भएको खेलमा फ्रेन्च क्लब पेरिस सेन्ट जर्मन (पीएसजी) लाई १–० ले बायर्नले हराउएकाे हाे । खेलको सुरुवाततिर दुवै टोलीले गोल गर्ने केही अवसर गुमाएका थिए । १८औं मिनेटमा नेयमारका दुई प्रहारलाई बायर्नका गोलरक्षक म्यानुयल नोएरले रोकेका थिए । २२औं मिनेटमा बायर्नका रोवर्ट लेवान्डोस्कीले प्रहार गरेको बल पिएसजीका गोलरक्षक केलर नाभास बिट भएता पनि पोलमा लागेर फर्किएको थियो । ३१औं मिनेटमा लेवान्डोस्कीको शक्तिशाली हेडरलाई नाभासले दोस्रो प्रयासमा बचाउ गरे । पहिलो…

एजेन्सी – स्पेनिस ला लिगाको उपाधि दौडमा रहेको बार्सिलोनालाई धक्का लागेको छ । बुधबार बिहान भएको एट्लेटिको मड्रिडसँगको खेलमा २–२ बराबरी खेल्दै अंक बाडेको बार्सिलोनाले शीर्ष स्थानमा उक्लिने अवसरबाट चुकेको छ । लगातार दोस्रो खेलमा अंक बाडेको बार्सिलोना शीर्ष स्थानको रियल मड्रिडभन्दा १ अंकले पछि परेको छ । एट्लेटिकोसँगको खेलमा बार्सिलोनाले निकै कमजोर खेल पस्किँदा बराबरीमा सीमित हुनुपरेको हो । बार्सिलोनाले ७० अंक पुर्‍याएको छ । शीर्ष स्थानमा रहेको रियलको ७१ अंक छ । एट्लेटिको ५९ अंकसहित तेस्रो स्थानमा छ । बार्सिलोना एक खेल कम खेलेको रियल मड्रिडभन्दा एक अंकले पछि परेको छ । जसमा विपक्षी टोली एट्लेटिकोले बार्सिलोनाविरुद्ध गरेका…

एजेन्सी – स्पेनिस महारथि बार्सिलोनाका कप्तान लियोनल मेस्सीले खेल जीवनमा ७ सय गोलको कोसेढुङ्गा पार गरेका छन् । बुधबार बिहान क्याम्प नाउमा भएको खेलमा एट्लेटिको मड्रिडविरुद्ध खेलको ५० औं मिनेटमा गोल गर्दै सात सय गोलको कोसेढुङ्गा पार गरेका हुन् । उनले पेनाल्टीमार्फत ७ सयौं गोल पूरा गरे । अन्तर्राष्ट्रिय सञ्चारमाध्यमले ७ सय गोल पूरा गर्नुलाई नयाँ कोसेढुंगाका रुपमा व्याख्या गरेका छन् । उनले ६ सय गोल पुरा गरेको १४ महिनामै ७ सय गोल पूरा गरेका हुन् । रेकर्डडटस्पोट्सडटसोकर स्टाटिस्टिक फाउण्डेसनका अनुसार मेस्सी ७ सय गोल पुरा गर्ने सातौं खेलाडीसमेत बनेका छन् । सात सय गोल पूरा गर्नेमध्ये मेस्सी र क्रिस्टियानो…

काठमाडौं । स्पेनिस ला लिगा फुटबलमा बार्सिलोना र सेल्टा भिगोको खेल बराबरीमा सकिएकाे छ । २-२ को बराबरीमा खेल राेकिएकाे हाे। खेलको २० औं मिनेटमा बार्सिलोनाले स्वारेजको गोलमा सुरुवाती अग्रता लिएको थियो । कप्तान मेस्सीले झन्डै २२ यार्ड टाढाबाट प्रहार गरेको फ्रिकिकमा स्वारेजले ६ यार्ड बक्स अगाडीबाट हेडरमार्फत गोल गरेका थिए । दोस्रो हाफको सुरुवाती समयमा नै घरेलु टोलीले स्कोर बराबर गर्‍यो । ५० औं मिनेटमा फेडोर स्मोलोभले गोल गर्दै सेल्टालाई खेलमा फर्काएका थिए । ओके योकुस्लुले जेरार्ड पिकेको चुनौती पार गर्दै दिएको पासमा अनमार्क रहेका स्मोलोभले सहजै गोल गरेका थिए । ६७ औं मिनेटमा स्वारेजले व्यक्तिगत दोस्रो गोल गर्दै…

जेन्सी । पाकिस्तानमा १० क्रिकेटर्सलाई कोरोना संक्रमिण भएकाे छ। क्रिकेट बोर्डले मंगलबार उसका सात खेलाडी फखर जमान, इमरान खान, काशिफ भट्टी, मोहम्मद हफीज, मोहम्मद हसनैन, मोहम्मद रिजवान र वहाब रियाज - को कोरोना संक्रमित भएको पुष्टि गरेको छ। यसअघि सोमबार पाकिस्तान क्रिकेट बोर्डले शादाब खान, हरिस रउफ र हैदर अलीबाट कोरोना संक्रमित भएको बारेमा जानकारी दिएको थियो। यसरी पछिल्ला दुई दिनमा कुल १० जना पाकिस्तानी क्रिकेटरहरु कोरोना संक्रमणबाट प्रभावित भएका छन्। परीक्षण नकारात्मक भएका खेलाडीहरु भने जून २८ मा इल्यान्डको लागि प्रस्थान गर्नेछन्। पाकिस्तान क्रिकेट टीमले इ्ल्यान्डसँग तीन टेस्ट र तीन टी-२० खेलको श्रृंखला अगस्टमा प्रस्तावित गरेको छ। पाकिस्तानमा कोरोना…

काठमाडौं – रियल मड्रिड स्पेनिस ला लिगाको शीर्ष स्थानमा उक्लिएको छ । आइतबार रातिको खेलमा रियल सोसीडाडलाई उसैको घरेलु मैदानमा २-१ गोल अन्तरले हराउँदै मड्रिड शीर्ष स्थानमा उक्लिएको हो । मड्रिडका लागि दोस्रो हाफको ५० औँ मिनेटमा पाएको पेनाल्टीलाई कप्तान सर्जियो रामोसले गोलमा परिणत गर्दै सुरुवाती अग्रता दिलाए । यस जीतसँगै शीर्ष स्थानमा पुगेको मड्रिडको ३० खेलबाट ६५ अंक भएको छ । बार्सिलोनासँग समान अंक भए पनि मड्रिड हेड टु हेडमा अगाडी रहेको छ । सोसीडाड भने ३० खेलमा ४७ अंकसहित छैठौँ स्थानमा छ ।

काठमाडौं । स्पेनिस ला लिगा फुटबलमा साविक विजेता बार्सिलोना सेभिल्लासँग गोलरहित बराबरीमा रोकिएको छ । सेभिल्लाको घरेलु मैदानमा शुक्रबार राति भएको तनावपूर्ण खेल गोलरहित बराबरीमा सकिएको हो । अन्ततः दुबै टोलीले गोल गर्न नसकेपछि खेल बराबरीमा सकियो । बराबरीले दोस्रो स्थानको रियल मड्रिडलाई फाइदा भएको छ । बराबरीसँगै शीर्षस्थानको बार्सिलोनाले ३० खेलमा ६५ अंक बनाएको छ भने दोस्रो स्थानको रियल मड्रिडको २९ खेलमा ६२ अंक रहेको छ । तेस्रो स्थानको सेभिल्लाले ३० खेलबाट ५२ अंक बनाएको छ ।

काठमाडौं । स्पेनिस ला लिगा फुटबलमा रियल मड्रिडले भ्यालेन्सियामाथी फराकिलो जीत हासिल गरेका छन्। विहिबार राति घरेलु मैदानमा भएको खेलमा रियलले भ्यालेन्सियालाई ३-० ले पराजित गरेको हो । ८७ औं मिनेटमा बेन्जेमाले व्यक्तिगत दोस्रो गोल गर्दै रियलको सहज जीत सुनिश्चित गरे । जीतसँगै रियल मड्रिडले शीर्ष स्थानको बार्सिलोनासँगको दूरी २ अंकमा झारेको छ । रियलको २९ खेलमा ६२ अंक छ । बार्सिलोनाले समान खेलमा ६४ अंक जोडेको छ ।

काठमाडौं । स्पेनिस ला लिगामा एटलेटिको म्याड्रिडले उत्कृष्ट प्रदर्शन गरेकाे छ। म्याड्रिडले स्पेनिस ला लिगामा ओसासुनालाई ५-० ले पराजित गरेको छ । एटलेटिकोको जीतमा फेलिक्सले दुई तथा अल्भारो मोराटा, मार्कोस लोरेन्टे र फरेरा करास्कोले १-१ गोल गरे । जीतसँगै एटलेटिकोले अर्को सिजन च्याम्पियन्स लिगमा छनोट हुने सम्भावना बलियो बनाएको छ । जीतसँगै अंक तालिकामा एटलेटिको चौथो स्थानमा उक्लिएको छ।

काठमाडौं । बुधबार भएको फाइनलमा नापोलीले युभेन्टसलाई टाइब्रेकरमा ४-२ ले हराएको कोपा इटालियाको उपाधि जीतेको छ । टाइब्रेकरमा युभेन्टसका लागि पहिलो प्रहार नै विफल भएको थियो । नापोलीका गोलरक्षक एलेक्स मेरेटले पाउलो डिबालाको प्रहार बचाएका थिए । युभेन्टसको लागि ड्यानीलोले गरेको दोस्रो प्रहार भने पोस्टभन्दा माथि आकासिएको थियो । तेस्रो प्रहारका रुपमा लिओनार्डो बोनुची र चौथो प्रहारमा आरोन राम्सीले भने गोल गरेका थिए । निर्धारित ९० मिनेटको खेल गोलरहित बराबरीमा सकिएपछि खेलको छिनोफानो टाइब्रेकरबाट लिइएको थियो । नापोलीका लागि कप्तान लोरेन्जो इन्सिग्ने, म्याटियो पोलीटानो, म्याक्सीमोभिच र अर्कादिउस्ज मिलिकले गोल गरेका थिए ।