दाङ । जिल्ला प्रहरी कार्यालय दाङले सहकर्मी शिक्षिकालाई दुर्व्यवहार गरेको आराेपमा एक शिक्षकलाई पक्राउ गरेकाे छ ।
पक्राउ पर्नेमा घोराहीस्थित सिद्धार्थ बोर्डिङ स्कूलका शिक्षक रामकुमार राना रहेका प्रहरीले जनाएकाे छ । विद्यलायमै शिक्षिकालाई दुर्व्यवहार गरेको भिडियो सामाजिक सञ्जालमा भाइरल भएपछि घोराही उपमहानगरपालिका वडा नं. १५ निवासी २३ वर्षीय शिक्षक रानालाई पक्राउ गरिएकाे हाे ।
पक्राउ परेका रानाले सोही स्कुलकी एक शिक्षिकालाई दुर्व्यवहार गरेको भिडियो सार्वजनिक भएपछि प्रहरीले उनलाई पक्राउ गरेको हो । भिडियोमा ती शिक्षकले शिक्षिकालाई आफ्नो गुप्ताङमा कैंची राखेर निकाल्न भन्दै दुर्व्यवहार गरिरहेको देखिएको छ ।
भिडियो भाइरल भएपछि घटना सार्वजनिक भएसँगै पीडितको ठाडो उजुरी समेतको आधारमा दुर्व्यवहार गर्ने शिक्षकलाई पक्राउ गरिएको जिल्ला प्रहरी प्रबक्ता डिएसपी सुमित खड्काले बताए ।
दुर्व्यवहार खेपेकी शिक्षिकाले बुधवार सम्म प्रहरीमा आएर जाहेरी भने दिएकी छैनन् । घटनाबारे अनुसन्धान हुन बाँकी नै रहेको डीएसपी खड्काले जानकारी दिए ।
Facebook Comments