एजेन्सी । भारतीय कमेडियन कपिल शर्माको क्यानडास्थित क्याफेमा गोलीबारी भएको छ ।
कपिल शर्माले श्रीमती गिन्नी चतरथसँग मिलेर क्यानडामा खोलेको क्याप्स क्याफे केही दिनमै आक्रमणको शिकार बनेको छ ।
क्याफे सञ्चालनमा आएको केही दिनपछि क्यानडास्थित उक्त रेस्टुरेन्टको भवनमा अज्ञात व्यक्तिहरूद्वारा गोलीबारी गरिएको हो ।
समाचार अनुसार आक्रमणकारी कारमा आएर केही राउन्ड गोली प्रहार गरेका थिए । यद्यपि घटनामा कुनै मानवीय क्षति नभएको जनाइएको छ ।
यस आक्रमणको जिम्मेवारी खालिस्तानी आतंककारी हरजीत सिंह लड्डीले लिएका छन् । लड्डी भारतको एनआईएको मोस्ट वान्टेड आतंककारी हुन् ।
Facebook Comments