काठमाडौं । भिजिट भिसा प्रकरणमा उच्चस्तरीय छानबिन समिति गठनको माग प्रतिपक्षी दल राष्ट्रिय स्वतन्त्र पार्टी र राष्ट्रिय प्रजातन्त्र पार्टीले गर्दै प्रतिनिधिसभा बैठक बहिष्कार गरेका छन् ।
आइतबारको संसद बैठक सुरु हुनासाथ दुवै दलका सांसदहरूले तत्काल छानबिन समिति गठन गर्नुपर्ने मागसहित अवरोध जनाएका थिए ।
सभामुख देवराज घिमिरेले क्रमशः रास्वपाका सांसद मनिष झा र राप्रपाका सांसद दीपकबहादुर सिंहलाई बोल्न समय दिएका थिए ।
सांसद झा र सिंहले भिजिट भिसाको नाममा ठगी, मानव तस्करी र प्रशासनिक लापरबाहीको श्रृंखला सार्वजनिक भइरहे पनि सरकार गम्भीर नदेखिएको आरोप लगाए।
उनीहरूले जबसम्म स्वच्छ, स्वतन्त्र र अधिकारसम्पन्न उच्चस्तरीय छानबिन समिति गठन हुँदैन, तबसम्म संसदको कारवाहीमा सहभागी नहुने स्पष्ट पारे।
Facebook Comments