दक्षिण चीन सागरमा चीनको आक्रामक नीति छैन : चिनियाँ विदेशमन्त्री

बेइजिङ । चिनियाँ विदेश मन्त्री वाङ यीले चीन र आसियान देशहरूसँग दक्षिण चीन सागरमा शान्ति र स्थिरता, नेभिगेसन र ओभर फ्लाइटको स्वतन्त्रता र वैध अधिकारको रक्षा गर्ने क्षमता र बुद्धि रहेको बताएका छन् ।

चिनियाँ कम्युनिस्ट पार्टी केन्द्रीय समितिको राजनीतिक ब्युरोका सदस्य वाङले दक्षिण चीन सागरमा चीनको आक्रामकताको बढेको भन्ने भ्रमात्मक प्रचारको ६० औँ म्युनिख सुरक्षा सम्मेलनमा खण्डन गरेका छन् । नान्हाइ झुडाओ (दक्षिण चीन सागर टापुहरू) प्राचीन कालदेखि नै चीनको भूभाग रहेको वाङले उल्लेख गरेका छन् ।

सन् १९६० र १९७० को दशकमा केही देशहरूले चीनका केही टापु र चट्टानहरू एकपछि अर्को गर्दै आक्रमण गरी कब्जा गरे तर चीनले सधैँ संयतता अपनाएको र मैत्रीपूर्ण परामर्शबाट समस्या समाधान गर्न जोड दिइरहेकोले यस सन्दर्भमा तथाकथित आक्रामकता प्रचार गरिनुमा कुनै अर्थ नहुने मन्त्री वाङको भनाइ छ ।

सन् २००२ मा चीनले दक्षिण पूर्वी एसियाली राष्ट्र सङ्घ (आसियान) देशहरूसँग दक्षिण चीन सागरमा पक्षहरूको आचरणसम्बन्धी घोषणापत्रमा हस्ताक्षर गर्न दबाब दिएको थियो जसले दक्षिण चीन सागरमा शान्ति र स्थिरतालाई प्रभावकारी रूपमा सुरक्षित गरेको छ।

चीनले आसियान देशहरूसँग सीओसीमा परामर्शलाई तीव्रता दिन काम गरिरहेको छ र क्षेत्रीय नियमहरूमा प्रारम्भिक सहमतिमा पुग्ने प्रयास गरिरहेको छ जुन प्रभावकारी, ठोस र अन्तर्राष्ट्रिय कानुनले संरक्षित छ जसमा समुद्री कानुनसम्बन्धी संयुक्त राष्ट्रसङ्घको महासन्धि लगायतका विषयहरू समेटिएका छन् ।

 

Facebook Comments