सी जिनपिङको शासनमा भ्रष्टाचारको नयाँ स्वरुप

बेइजिङ । चिनियाँ राष्ट्रपति सी जिनपिङ जसरी थप शक्तिशाली बन्दै गएका छन्, यसले चीनमा नयाँ स्वरुपको भ्रष्टाचारलाई प्रश्रय दिइरहेको छ। चीनमा पछिल्लो नेताप्रतिको पूर्ण वफादारी नै सी युगमा पदमा पुग्ने तरिका भएको भन्ने मान्यता बढ्दै गएपछि सी थप शक्तिशाली बन्दै गएका हुन्।

सीले पनि यसको फाइदा उठाउँदै भ्रष्टाचारको नयाँ स्वरुपलाई सिर्जना गरेका छन्।

चिनियाँ नेता सीको पछिल्लो दशकमा सत्तामा बलियो पकड बनाउँदै गएसँगै सरकारमा भ्रष्टाचारको नयाँ रूप सिर्जना भएको हो। अधिकारीहरूले सबैभन्दा माथि उनीप्रति आफ्नो वफादारी देखाउन प्रतिस्पर्धा गरिरहेका, अमेरिका चीन सम्बन्धमा रहेको कङ्ग्रेसको सल्लाहकार निकायको सुनुवाइमा भनिएको छ।

सम्भ्रान्त र स्थानीय स्तरका चिनियाँ राजनीतिका विज्ञहरूले राष्ट्रपतिको कार्यकालको सीमा समाप्त गर्ने र यस वर्ष दोस्रो कार्यकाल समाप्त हुँदा सत्तामा रहने व्यापक अपेक्षा गरिएको सीले देशभरका धेरै कार्यकर्ताहरूबाट नयाँ विचारहरू ल्याउने कुनै पनि इच्छालाई दमन गर्न खोजेको भन्दै चेतावनी दिएका छन्।

नीतिहरूले कसरी काम गरिरहेका छन् भन्ने बारे इमानदार प्रतिक्रिया व्यक्त गर्नसमेत अधिकारीहरु डराइरहेका र सबै सम्भावित रूपमा चीनलाई अस्थिर बनाउने खेलमा लागेको उक्त निकायले जनाएको छ।

यसले वास्तवमा भ्रष्टाचारको व्यवस्थित भावनाको ढोका खोलेको बोस्टन विश्वविद्यालयका अन्तर्राष्ट्रिय सम्बन्ध र राजनीति विज्ञानका प्राध्यापक जोसेफ फ्युस्मिथले अमेरिकी चीन आर्थिक र सुरक्षा समीक्षा आयोगलाई बताए।

उनले आफ्ना सहयोगीहरूलाई बढावा दिएर वास्तविक र व्यवहारिक कुराहरुलाई सुन्ने र त्यही नीतिलाई अवलम्बन गर्ने हो भने भ्रष्टाचार न्युनिकरण हुनसक्ने भए पनि चीनमा अहिले यसको सम्भावना नरहेको बताइएको छ।