चीनमा कोरोनाको कहर : सक्रमित र कन्ट्रयाक ट्रेसिंगमा परेकाहरुलाई मेटलको सानो घरमा राखिदै

बेइजिङ । पछिल्लो समय विश्वभरि नै कोरोना भाइरसको फैलिएका विभिन्न भेरियन्टहरुका कारण संक्रमित मानिसहरुको संख्या ह्वात्तै बढेको छ । सोहीक्रममा चीनमा पनि जनवरी सुरु भएयता कोरोना संक्रमितको सख्या ह्वात्तै बढेको हो ।

जसकाण चीनका विभिन्न सहरमा लकडाउन समेत लगाइएको छ । चीनले आफ्नो ‘शून्य कोभिड नीति’ अन्तर्गत आफ्ना नागरिकहरूमा धेरै कडा नियमहरू लगाएको छ । बेइजिंगले अर्को महिनाको शीतकालीन ओलम्पिकको आयोजना गर्ने तयारी गर्दा पनि लाखौंलाई अहिले कडा नियम बनाएर क्वारेन्टाइनमा राखेको छ।

केही दिनअघि चीनबाट भिडियोहरू सामाजिक सञ्जालमा देखा पर्‍यो जसमा कोभिड १९ का शङ्कास्पद बिरामी र मानिसहरूलाई क्वारेन्टाइन शिविरमा लैजाने बसहरूको लाइनमा मेटलका बाकसहरू राखिएको देखिन्छ ।

डेली मेलका अनुसार गर्भवती महिला, बालबालिका र वृद्धवृद्धा लगायतका मानिसहरु आफ्नो इलाकामा एकल व्यक्तिको परीक्षण पोजेटिभ देखिए पनि सबै जनालाई दुई सातासम्म काठको ओछ्यान र शौचालयले भरिएका ती मेटलका सानो घर जस्तो बनेको बाकसमा बस्नुपर्ने बाध्यता रहेको छ ।

कोभिड सक्रमित देखिएका धेरै क्षेत्रहरूमा, बासिन्दाहरूलाई मध्यरात पछि मात्र भनिएको थियो कि उनीहरूलाई आफ्नो घर छोडेर क्वारेन्टाइन केन्द्रहरूमा जान आवश्यक छ ।

त्यस्तै चीनमा अनिवार्य ट्र्याक एन्ड ट्रेस एपहरू डाउनलोड गर्न त्यहाँको सरकारले उर्दी नै जारी गरेको छ । एपहरू डाउनलोड गर्दा त्यसको सहराले संक्रमितको सम्पर्कमा आएका मानिसहरु पत्ता लगाइन्छ र चाँडै क्वारेन्टाइन गरिन्छ।

चीनमा करिब २ करोड मानिसहरु अहिले आफ्नो घरमा सीमित भएर बस्न बाध्य छन् र उनीहरुलाई खाना किन्न समेत घरबाट बाहिर निस्कन प्रतिबन्ध लगाइएको छ ।

यो कडा लकडाउन तथा नियमले चिकित्सा उपचारको पहुँचमा ढिलाइ भएपछि गर्भवती चिनियाँ महिलाको गर्भपतन भएको पीडादायी घटना पछि आएको छ। यो घटनाले कोभिड १९ मा चीनको शून्य सहनशीलताको दृष्टिकोणको सीमामा बहस सुरु भएको छ ।

चीन, जहाँ कोरोनाभाइरस पहिलो पटक २०१९ मा पत्ता लगाइएको थियो, प्रकोप रोक्नको लागि ‘शून्य कोभिड नीति’ भन्ने सूत्र चीनले कडा रुमपा लागू गरेको छ।

एक रिपोर्टले भन्यो, ‘चीनका मानिसहरूलाई उनीहरूको भवनहरू छोड्न प्रतिबन्ध लगाउन सकिन्छ वा यदि उनीहरूलाई उच्च जोखिमयुक्त सम्पर्कहरू मानिन्छ भने होटलको कोठाभित्रै बस्न बाध्य पार्न सकिन्छ।’

कम्युनिष्ट देश बेइजिङले प्रयोग गरेका कठोर उपायहरूको बाबजुद पनि अधिक संक्रामक ओमिक्रोन संस्करणले शून्य कोविड रणनीतिलाई असम्भव बनाउँछ भनी चेतावनी दिए पनि भाइरस उन्मूलन गर्ने प्रयास गरिरहेको छ भनी डेली मेलको रिपोर्छमा उल्लेख छ ।

त्यस्तै कोरोनाभाइरस सङ्क्रमणको प्रकोप बढेपछि उत्तरी चीनको शीआन सहरमा एक करोड ३० लाखभन्दा बढी मानिसलाई घरमै बस्न अधिकारीहरूले निर्देशन दिएका छन्। डिसेम्बर ९ देखि त्यहाँ १४३ जनामा कोभिड पुष्टि भएपछि सरकारले लकडाउन लगाएको हो।