प्रचण्डले ‘ढाडमा टेकेर टाउकोमा हान्ने’ रणनीति अपनाएकाले वर्तमान अवस्था आयो : मन्त्री गुरुङ

काठमाडाैं । संचार तथा सूचना प्रविधि मन्त्री पार्वत गुरुङले पुष्कमल दाहाल प्रचण्डले ढाडमा टेकेर टाउकोमा हान्ने रणनीति बनाइरहेकाे बताएका छन् ।

क्रियाशिल दलित पत्रकार संघले काठमाडौंमा आयोजना गरेको कार्यक्रममा उनले नेकपा प्रचण्ड–नेपाल समूहका अध्यक्ष प्रचण्डले अर्का अध्यक्ष माधवकुमार नेपालको ढाडमा टेकेर अध्यक्ष केपी शर्मा ओलीको टाउकोमा हान्ने रणनीति बनाउँदा अहिलेको राजनीतिक अवस्था निम्तिएको बताए ।

‘नेपाली कांग्रेसका सभापति शेरबहादुर देउवाले पनि चुनाव हुने विषयमा अन्योलमा बस्न नपर्ने पटक-पटक बताइ सक्नु भएको छ’ उनले भने ‘कांग्रेसले वडा–वडामा कार्यक्रम चाइरहेको छ, यो भनेको चुनावी माहोल बनिसकेको भन्ने हो । अब चुनाव कसैले रोकेर रोकिंदैन ।’

कार्यक्रममा दलित समुदायबाट क्रियाशिल रहेका पत्रकारहरु कसमस विश्वकर्मा, गोविन्द परियार, बाबुराम विश्वकर्मा र प्रकाशचन्द्र परियारलाई सम्मान गरिएको थियो ।