काठमाडौं । कोरोना भाइरस (काेभिड-१९) को संक्रमणबाट डोल्पामा एक जनाको मृत्यु भएको पुष्टि भएकाे छ ।
जगदुल्ला गाँउपालिका ३ का ५८ वर्षीय पुरुषको जेठ २० गते मृत्यु भएको पुष्टि भएको र मृत्युपश्चाद् स्वाब संकलन गरेर कर्णाली स्वास्थ्य विज्ञान प्रतिष्ठान जुम्लामा पीसीआर परीक्षण गर्दा रिपोट पोजेटिभ देखिएकाे हाे ।
जेठ १८ गते नेपालगञ्ज, सुर्खेत, जुम्ला हुँदै डोल्पा पुगेका उनको आरडिटी परीक्षण गर्दा रिपोर्ट नेगेटिभ आएपछि होम क्वारेन्टाइनमा पठाइएको थियो । तर मृत्यु पछि गरिएको आरडीटी परीक्षणमा भने उनको रिपोर्ट पोजेटिभ देखिएकाे कर्णाली प्रदेशको सामाजिक विकास मन्त्रालयले जनाएको छ।
