काठमाडौँ । नर्भिक अस्पतालका संचालक बसन्त चौधरीलाई हृदयघात भएको छ । ३ दिनअगाडि सपरिवार दुबई घुमघामका लागि गएका उनलाई शुक्रबार हृदयघात भएको पारिवारिक स्रोतले जनाएको छ।
यसअघि नेपालमा छदाँ पनि उनलाई मुटुमा समस्या देखिएको थियो । त्यतिबेका उनको नर्भिक अस्पतालमा एन्जियोग्राफी गरिएको थियो । एन्जियोग्राफीमा मुटुमा समस्या देखिएपनि उनी स्वास्थ्य चेकजाँचसाथै घुमघामका लागि दुबई गएका थिए ।
स्रोतका अनुसार उनलाई हृदयघात भए पनि अवस्था भने गम्भीर छैन । हाल दुबईस्थित एक अमेरिकी अस्पतालमा मुटुको शल्यक्रिया गर्ने तयारी गरिएको छ।
