काठमाडाैं । भारतले नेपालका बाढी तथा पहिराे पीडितका लागि दाेस्राे खेप राहत सामाग्री हस्तान्तरण गरेकाे छ ।
नेपालमा विनाशकारी बाढी र पहिरोबाट प्रभावित परिवारका लागि भारत सरकारको सहयोगलाई निरन्तरता दिने क्रममा भारत सरकारको तर्फबाट द्वितीय सचिव नारायण सिंहले बाँकेका सहायक प्रमुख जिल्ला अधिकारी दत्तराज हमाललाई राहत सामाग्रीको दोस्रो खेप हस्तान्तरण गरे ।
काठमाडाैंस्थित रहेकाे भारतीय दूतावासका अनुसार अत्यावश्यक सरसफाई सामाग्री, औषधी, झुल, लाइफ ज्याकेट, स्लीपिङ्ग म्याट, खाद्यवस्तु, गम बुट, इन्फ्लेटेबल रबर बोट र मोटर सहितको २१.५ टनको उक्त मानवीय सहायताको राहत सामाग्री हस्तान्तरण गरिएकाे हाे ।
राहत सामाग्रीको थप खेप आगामी दिनमा आउने अपेक्षा गरिएको छ । हालै आएको बाढी र पहिरोले निम्त्याएको विनाशपछि नेपाल सरकारलाई साथ एवम् सबै खाले सहयोग प्रदान गर्न भारत सरकार तत्पर रहेकाे दूतावासले जनाएकाे छ।
The supply of relief materials from 🇮🇳 continues with another consignment of 21.5 T being handed over to🇳🇵. This emergency relief support comprises hygiene supplies, medicines, life jackets, sleeping mats, food items, rubber boat & motor for flood/landslide affected families. 1/2 pic.twitter.com/7kzb3I5NTB
— IndiaInNepal (@IndiaInNepal) October 9, 2024
