ल्हासा । वरिष्ठ बौद्ध धर्मगुरु दलाई लामाले एक अमेरिकी मङ्गोलियाली बालकलाई तिब्बती बौद्ध धर्मको तेस्रो महत्वपूर्ण आध्यात्मिक नेताको रुपमा घोषणा गरेका छन् ।
द टाइम्सको रिपोर्टका अनुसार यस समयमा करिब ६०० मङ्गोलियनहरू आफ्नो नयाँ आध्यात्मिक नेताकाे समारोहमा भेला भएका थिए।
सामाजिक सञ्जालमा शेयर गरिएका तस्बिरहरूमा रातो लुगा लगाउनुका साथै मास्क लगाएको एक बालक ८७ वर्षीय दलाई लामालाई भेटेको देखाइएको छ।
बालकको उमेर ८ वर्ष रहेको बताइएको छ । मङ्गोलियन मिडिया रिपोर्टहरूका अनुसार बच्चा जुम्ल्याहा मध्ये एक हो। दलाई लामाले यो बालकलाई १०औँ खलखा जेत्सुन धम्पा रिन्पोछेको पुनर्जन्म भनेर वर्णन गरेका छन् ।
बुद्ध धर्ममा, धार्मिक नेताहरूको पुनर्जन्मलाई विशेष महत्त्व दिइन्छ। धार्मिक नेताको पुनर्जन्म समारोह हिमाचल प्रदेशको धर्मशालामा आयोजित भएको थियो, जहाँ ६ सय मङ्गोलियनहरू आफ्नो नयाँ आध्यात्मिक नेताकाे समारोहमा भेला भएका थिए। दलाई लामा पनि यहाँ बस्छन्। मंगोलियाको छिमेकी चीन यस समारोहबाट रिसाउने सम्भावना छ।
द टाइम्सको एक रिपोर्ट अनुसार दलाई लामाले २०१६ मा मङ्गोलियाको भ्रमण गरेका थिए, जसको चीनले कडा आलोचना गरेको थियो। चिनियाँ सरकारले उक्त भ्रमणले चीन-मंगोलिया सम्बन्धमा नकारात्मक प्रभाव पारेको बताएको छ।
उलानबाटर छोड्नुअघि दलाई लामाले तिब्बती बौद्ध धर्मका तेस्रो महत्वपूर्ण लामा जेट्सुन धाम्पा मङ्गोलियामा पुनर्जन्म भएको बताएका थिए। धेरै दिनदेखि उनको खोजी भइरहेको थियो ।
