भारत । कोरोना संक्रमितको संख्या अहिले सम्मको सबैभन्दा धेरै देखिएको छ ।
भारतीय स्वास्थ्य मन्त्रालयले जनाएअनुसार पछिल्लो २४ घण्टामा १ लाख १५ हजार ७ सय ३६ जनामा संक्रमण पुष्टि भएको हो ।
यो संख्या यो वर्षको सबैभन्दा धेरै हो । पछिल्लो २४ घण्टामा ६ सय ३० जनाको संक्रमणकै कारण मृत्यु भएको छ । हालसम्म भारतमा कोरोना संक्रमितको संख्या १ करोड २८ लाख नाघेको छ भने १ लाख ६६ हजारभन्दा बढीको मृत्यु भइसकेको छ ।
भारतमा ८ करोड ७० लाख भन्दा बढिले कोरोनाविरुद्वको खोप लगाएका छन् ।
