काठमाडौं । भारतका लागि नेपाली राजदूत निलाम्बर आचार्य र भारतको विहार राज्यका मुख्यमन्त्री नितिशकुमारबीच भेटवार्ता भएकाे छ ।
भेटमा नेपाल र भारत सम्बन्धीलाई सुदृढीकरण गर्ने र अन्य विभिन्न क्षेत्रमा सहकार्य गर्ने विषयमा कुराकानी भएको नयाँ दिल्लीस्थित नेपाली दूतावासले जनाएको छ । विहार राज्यसँग बाढी व्यवस्थापन, विजुलीको व्यापार, सीमा व्यवस्थापनलगायतका विभिन्न विषयहरु रहेका छन्
राजदूत आचार्यले ट्वीट गर्दै भनेका छन्, ‘विहारका मुख्यमन्त्रीसँग न्यानो र सौहार्दपूर्ण भेट भएको छ।’ उनले नेपाल र भारतबीचको मित्रता र सहकार्य सुदृढिकरण हुने पनि बताएका छन्।
नेपालको पूर्वी- दक्षिणी सीमासँग जोडिएको विहार राज्यका मुख्यमन्त्रीसँगको भेटघाटले सीमावर्ती क्षेत्रमा सम्बन्ध सुधार हुने विश्वास व्यक्त गरिएको छ। यसअघि भारत सरकारले नेपाललाई १० लाख डोज कोरोनाको खोप उपहार दिएको छ।
