काठमाडौं । पछिल्लो २४ घण्टामा काठमाडौं उपत्यकामा थप ५ सय ४१ जनामा कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार काठमाडौंमा ४०२, भक्तपुरमा ३४ र ललितपुरमा १०५ जना नयाँ कोरोना संक्रमित थपिएका छन्।
यस्तै, शुक्रबार नेपालमा थप १ हजार ४४ जनामा कोरोना संक्रमण पुष्टि भएको मन्त्रालयले जनाएको छ। योसँगै कोरोना संक्रमितको संख्या २ लाख ४६ हजार ६९४ पुगेको छ ।
अहिलेसम्म २ लाख ३२ हजार ८७२ जना संक्रमणमुक्त भएका छन्। मन्त्रालयका अनुसार शुक्रबार १ हजार २७१ जना कोरोनालाई जितेर अस्पतालबाट डिस्चार्ज भएका छन्।
यस्तै, पछिल्लो २४ घण्टामा कोरोना संक्रमणबाट ११ जनाको मृत्यु भएको छ। योसँगै कोरोना संक्रमणबाट अहिलेसम्म मृत्यु हुनेको संख्या १६७४ पुगेको छ।
