सेयर बजारमा सुधार, १२ दशमलव ४७ अंकले बढ्याे

काठमाडौं । मंगलबार सेयर काराेबार मापक नेप्से परिसूचक १२ दशमलव ४७ अंकले बढेर १ हजार ५ सय ८२ दशमलव ८४ मा पुगेको छ ।

नेपाल स्टक एक्सचेञ्ज (नेप्से)मा कारोबार हुने सबै समूहहरु बढेर हरियाली देखिएका छन् । नेप्से परिसूचकसँगै कारोबार रकममा पनि सुधार भएको छ ।

सोमबार एक अर्ब पनि नपुगेको सेयर कारोबार रकम मंगलबार १ अर्ब २४ करोड भन्दा धेरै भएको छ । दिनभर भएका १८ हजार ४ सय २६ कारोबारबाट १९३ कम्पनीका ४९ लाख १३ हजार ४ सय ९७ कित्ता सेयर किनबेच भएका छन् ।

जस अनुसार कारोबार रकम १ अर्ब २४ करोड १२ लाख ४२ हजार ७ सय ७ रुपैयाँ पुगेको नेप्सेले जनाएको छ ।

Facebook Comments