दाङ । जिल्ला प्रहरी कार्यालय रोल्पाले हत्या गरि फरार भएका एकजनालाई पक्राउ गरेकाे छ ।
पक्राउ पर्नेमा दाङको तुल्सीपुर उपमहानगरपालिका-११ कटाँहा का ५१ वर्षीय टेकबहादुर केसी रहेका प्रहरीले जनाएकाे छ ।
२०६१ साल चैत २९ गते केसीविरुद्ध सर्वाेच्च अदालतले कर्तव्य ज्यान मुद्दामा दोषी ठहर गर्दै १० वर्ष कैदको फैसला सुनाएको थियो । त्यसपछि उनी फरार भएका थिए ।
फरार प्रतिवादीलाई खोजी गर्ने क्रममा असोज २३ गते रोल्पा जिल्लाको त्रिवेणी गाउँपालिका वडा नं. ३ स्थित रोल्पा सिमेन्ट उद्योगबाट केसीलाई पक्राउ गरिएको जिल्ला प्रहरी कार्यालय दाङका प्रवक्ता डिएसपी सुमित खड्काले जानकारी दिए ।
फरार प्रतिवादी केसीले सिमेन्ट उद्योगमा लुकीछिपी काम गरिरहेको भन्ने सूचनाका आधारमा पक्राउ गरिएको डिएसपी खड्काले जानकारी दिए ।
रोल्पावाट दाङ ल्याएर प्रतिवादी केसीलाई असोज २५ गते दाङ देउखुरी जिल्ला अदालतमा उपस्थित गराएको र अदालतको आदेशअनुसार तोकिएको कैद भुक्तानका लागि कारागार चलान गरिएको प्रहरीले जनाएकाे छ।
