काठमाडौं । पूर्व-स्वास्थ्यमन्त्री एव नेपाली कांग्रेसका नेता गगन थापाले कोरोना विरुद्धको लडाईमा प्रधानमन्त्रीले केहि नगरेको आरोप लागाएका छन् ।
सामाजिक संजाल मार्फत उनले काठमाडौं बाहिरको परीक्षण घटाएकोमा असन्तुस्टी मात्रै पाेखेका छैनन् केही समस्या भइहाले के गर्ने भनेर सबैमा अलमल परेको समेत बताएका छन् ।
काठामाडौंमा कोरोना संक्रमितलाई जटिल हुदा आइसोलेसनमा राखेर उपचार गर्ने बेड नभएको तथा सघन उपचारका लागि कहीँ बेड उपलब्ध नै नभएको जनाएका छन् ।
उनले अहिले कोरोना संक्रमीतको संख्या बढ्दै जाँदा सरकारले केहि नगरेको जनाउदै सामाजिक संजालमा यस्तो पोस्ट गरेका छन् ।
एकातर्फ काठमाडौँ बाहिर परीक्षणको संख्या घट्दै गएको छ तर चाडबाडको सम्मुखमा देशव्यापी आवागमन बढिरहेको छ।अर्कोतर्फ काठमाडौँमा कोभिड संक्रमितलाई जटिलता हुँदा न त आइसोलेसनमा राखेर उपचार गर्ने बेड छ न त सघन उपचारका लागि कहीँ बेड उपलब्ध नै छ।केही समस्या भइहाले के गर्ने,सवैमा अलमल छ।
यो अवस्था आउन नदिन पूर्व तयारी गरौँ, यसरी गर्न सकिन्छ भनेर प्रधानमन्त्रीज्यूलाई पटक पटक नभनेको होइन तर प्रमलाई यस्तो कुरा सोच्ने फुर्सद भएन।समय,स्रोत,सहयोग सबै थियो तर तपाईँको सोच र शैलीको कारण जटिल अवस्थामा पुगेका छौँ। टार्न सकिने अवस्थाबाट चिर्नै नसक्ने जस्तो अवस्थामा पुगेका छौँ।
योबेला पनि तपाईंको प्राथमिकतामा महामारी छैन।अहिले मन्त्रीमण्डल भागबन्डाबारे हाेइन,संकटबारे छलफल गर्नुस्।बेहोस भएमात्र अस्पताल जाऊ भन्ने विज्ञ होइन,वास्तविक विज्ञ र अग्रपंक्तिमा खटिएकाका कुरा सुन्नुस्।काेभिड विरुद्धको लडाइँमा तपाईंलाई साथ दिन चाहान्छाैं तर केही त गर्नुस् प्रमज्यू!
Facebook Comments