नेप्सेको सीइओ बन्न ५ जना प्रारम्भिक रूपमा छानिए, अर्थमन्त्रालयमा २५ गते अन्तर्वार्ता हुने

काठमाडौं। नेपाल स्टक एक्सचेन्जको प्रमुख कार्यकारी अधिकृत (सीइओ) बन्न ५ जना छानिएका छन्। छनोट समितिले आवेदन दिएकामध्ये ५ जनालाई कार्यपत्र प्रस्तुति र अन्तर्वार्ताको लागि बोलाएको हो।

अन्तर्वार्तामा छानिएकाहरुमा पाल्पा जिल्लाका कृष्णबहादुर कार्की, ललितपुरका डा. केशवप्रसाद श्रेष्ठ, झापाका प्रवीण पन्दाक, झापाकै रमेश घिमिरे र नवलपरासीका डा. रमेशकुमार भण्डारी छन्।

यी प्रत्यासीहरुलाई कार्यपत्र प्रस्तुति र अन्तर्वार्ताका लागि आगामी आइतबार (पुस २५ गते) अर्थ मन्त्रालयको सुवर्ण हलमा बोलाइएको छ। ५ जनामध्ये धेरै अंक ल्याउने ३ जनाको नाम छनोट समितिले मन्त्रिपरिषद्‍मा पठाउनेछ।

मन्त्रिपरिषद्‍ले तीनमध्ये एक जनालाई नेप्से सीइओको नियुक्त गर्नेछ।