अख्तियारका आयुक्त जोशीले दिए राजीनामा 

काठमाडौं । अख्तियार दुरुपयोग अनुसन्धान आयोगका आयुक्त गणेशराज जोशीले राजीनामा दिएका छन् । बुधबार राजीनामा दिएका जोशी आयोगबाट विदासमेत भएका छन् ।

आयोगको प्रमुख आयुक्तमा नियुक्त भएका प्रेम कुमार राईको मातहतमा बसेर काम गर्नुपर्ने भएपछि उनले राष्ट्रपति बिद्यादेवी भण्डारीसमक्ष राजिनामा बझाएका हुन् ।

राई जोशीभन्दा जुनियर अधिकृत हुन् । विगतमा राई जोशीकै मातहतमा आयोगका सचिवका रुपमा काम गरेका थिए । त्यसैले अहिले जुनियरको मातहतमा बसेर काम गर्न नसक्ने भन्दै उनले राजिनामा दिएका स्रोतले बताएको छ ।