काठमाडौं । नेपाल प्रहरीका ४६ प्रहरी निरीक्षक (इन्सपेक्टर) प्रहरी नायब उपरीक्षक (डीएसपी) मा बढुवा सिफारिस भएका छन् ।
बढुवा समितिको आइतबार बसेको बैठकले रिक्त ४६ डीएसपी पदमा इन्स्पेक्टरहरुको बढुवा सिफारिस गरेको छ ।
डीएसपी बढुवा सिफारिस हुने इन्स्पेक्टरहरुमा चिरन्जीवी दाहाल, रेशम बोहरा, भोलाकुमार भट्ट, सुरज कार्की, तर्कराज पाण्डे, रविन्द्रराज पाण्डे, कैलाश राई, गंगाप्रसाद पौडेल, मोहनमणि अधिकारी, लक्ष्मी भण्डारी लगायत छन् ।
डिएसपीमा बढुवा सिफारिस हुनेमा घुसकाण्डमा कारबाहीमा परेका इन्सपेक्टर रबिन बिष्ट पनि परेका छन् ।
बढुवा सिफारिसमा घुसकाण्डमा कारबाहीमा परेका इन्सपेक्टर रबिन बिष्टसहित केही बदनाम पनि छन् । केही इमान्दार अधिकृतहरु भने छुटेका छन् ।
Facebook Comments