सशस्त्र प्रहरीका ५ एसपी कामु एसएसपीमा बढुवा

काठमाडौं । सशस्त्र प्रहरी बल (एपिएफ) ले ५ जना एसपीलाई कामु एसएसपी बनाएको छ । रिक्त रहेका पदमा सिनियर एसपीहरुलाई कामु एसएसपी बनाइएको हो ।

एसएसपी बढुवाका लागि चार वर्ष अवधि नपुगेकाले उनीहरुलाई कामु मात्र दिइएको हो । केही महिना अगाडि पनि केही एसपीलाई कामु एसएसपी बनाइएको थियो ।

सशस्त्रमा इन्सपेक्टरबाट डिएसपी हुन १६ वर्ष लाग्ने तथा एसपीबाट एसएसपी हुन उम्मेदवार नै नहुने अवस्था छ ।