ललितपुर । कुटपिट तथा अंगभंग मुद्दाका एक अभियुक्त सरकारी वकिलको निर्देशनमा छुटेका छन्।
बेलायतबाट नेपाल आएका महेन्द्रराज कँडेललाई ललितपुर प्रहरीले चार दिनअघि कुटपिट तथा अंगभंगको कसुरमा पक्राउ गरेको थियो।
तर, जिल्ला सरकारी वकिल कार्यालयले उनलाई म्याद थपका लागि अनुमति नै नदिइकन छाड्न प्रहरीलाई निर्देशन दिएपछि उनी मंगलबार छुटेका छन्।
यसरी अभियुक्तको अनुसन्धान नै नभई छाड्न निर्देशन दिएको विषय विवादमा परेको छ।
जिल्ला प्रहरी परिसर, ललितपुरका प्रहरी उपरीक्षक (एसपी) गौतम मिश्रले कँडेललाई सरकारी वकिल कार्यालयबाट भएको निर्णयअनुसार हाजिरी जमानीमा छाडिएको तर अनुसन्धान भने जारी रहेको बताए।
कँडेल यसअघि पनि विभिन्न विवाद र कानुनी झमेलामा पर्दै आएका व्यक्ति हुन् ।
