ताप्लेजुङ । नेपाल कम्युनिस्ट पार्टी (नेकपा) प्रचण्ड–नेपाल समूहको नेता जनार्दन शर्माले वैशाखमा कुनै पनि हालतमा चुनाव नहुने दावी गरेका छन् ।
ताप्लेजुङको सदरमुकाम फुङलिङमा आयोजित विरोधसभा कार्यक्रममा नेता शर्माले निर्वाचन हुन्छ भनेर प्रधानमन्त्री केपी शर्मा ओली समूहले भ्रम फैलाइरहेको आरोप लगाए ।
जनताले देश विकास गर्न कम्युनिस्ट पार्टीलाई म्यान्डेट दिएको भए पनि प्रधानमन्त्री ओलीले त्यसलाई कुल्चिएको शर्माको आरोप थियो ।
‘संविधान विपरीत प्रतिनिधिसभा विघटन गरेर ओलीले लोकतन्त्रको हत्या गरे,’ शर्माले भने, ‘संविधान र जनताको सर्वोच्चताको रक्षाका निम्ति हामी सडकमा छौँ, तपाईँहरुले पनि साथ दिनूस् ।’
