काठमाडौं । सर्वोच्च अदालतको फैसलापछि पहिलो पटक बसेको नेकपा माओवादी केन्द्रको बैठकले नयाँ सरकार गठनका लागि नेपाली कांग्रेस र जनता समावादी पार्टी (जसपा) सँग वार्ता गर्ने निर्णय गरेको छ ।
आज मओवादी केन्द्रको पार्टी कार्यालय पेरिसडाँडामा बसेको स्थायी कमिटी बैठकले तत्काल वार्ता अगाडि बढाउने निर्णय गरेको नेता नारायणकाजी श्रेष्ठले जानकारी दिए ।
बैठकमा प्रचण्डलाई छाडेर ओली पक्षमा गएका नेताहरु रामबहादुर थापा बादल, टोपवहादुर रायमाझी, लेखराज भट्ट र मणि थापा अनुपस्थित थिए भने अध्यक्ष पुष्पकमल दाहाल ‘प्रचण्ड’, नेताहरु नारायणकाजी श्रेष्ठ, कृष्ण बहादुर महरा, जनार्दन शर्मा, पम्फा भुसाल,लिलामणि पोखरेल, शक्ति बस्नेत लगायत सहभागी थिए।
