देशभर १,४५४ जनामा काेराेना संक्रमण पुष्टि, ९७२ जना डिस्चार्ज, ५ जनाकाे मृत्यु

काठमाडौं । नेपालमा आज शुक्रबार थप १ हजार ४५४ जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको कुल संख्या ५१ हजार ९१९ पुगेको स्वास्थ्य तथा जनसंख्या मन्त्रालयले जनाएकाे छ ।

नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले पछिल्लाे २४ घण्टामा थप १४५४ जनामा काेराेना भाइरसकाे संक्रमण पुष्टि भएकाे जानकारी दिए ।

पछिल्लो २४ घण्टामा थप ९७२ जना कोरोना संक्रमणमुक्त भएका छन् । याेसँगै कोरोना संक्रमणमुक्त भई अस्पतालबाट डिस्चार्ज हुनेको संख्या ३६ हजार ६७२ पुगेको मन्त्रालयले जनाएकाे छ । नेपालमा अहिलेसम्म कोरोना भाइरस संक्रमणबाट ३२२ जनाको मृत्यु भएको छ ।